Достапни линкови

logo-print

Домашен притвор за битолскиот градоначалник Талески


Кривичниот суд одреди куќен притвор за битолскиот градоначалник Владимир Талески, откако судот го одби предлогот за притвор на Специјалното јавно обвинителство.

„Жалбата на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите од 14.06.2016 година и жалбата на оосмничениот В.Т. од Битола кој е опфатен во предметот на СЈО во јавноста познат како „Транспортер“ против решението на судија на претходна постапка на овој суд, се одбиваат како неосновани.“

„Решението на судијата на претходна постапка од 13.06.2016 година по повод предлогот на СЈО за определување на мерка притвор за лицето В.Т. се преиначува и се определува мерка куќен притвор во траење од 30 дена сметано од неговото пронаоѓање и лишување од слобода, а поради постоење на причините предвидени во чл.165 ст.1 т.1 , 2 и 3 од ЗКП.“

„Истовремено се забранува осомничениот В.Т. да го напушти своето живеалиште без дозвола од судот, а доколку осомничениот не се придржува на забраната, против истиот ќе се определи мерка притвор. Надзорот над куќниот притвор се наложува да го извршува СВР Битола при што овластени службени лица од подрачната полициска станица во одредени временски интервали, ненајавено во текот на 24 часа, ќе го проверуваат присуството на осомничениот во неговиот дом. За секое непочитување на решението од страна на осомничениот се задолжува надлежна полициска станива веднаш да го извести Основен суд Скопје 1 -Скопје. Против ова решение дозволена е жалба во рок од 24 часа преку овој суд до Апелационен суд Скопје“, се вели во соопштението на Основниот суд Скопје 1 – Скопје.

XS
SM
MD
LG