Достапни линкови

logo-print

Ризик од тероризам во Анкара и во Истанбул


По нападот во Анкара на 13 март

По нападот во Анкара на 13 март

Турскиот премиер Ахмет Давутоглу денеска ја информира јавноста дека властите ги засилиле безбедносните мерки во Анкара и Истанбул поради ризикот од тероризам, пренесува ТАСС.

Ситуацијата во престолнината и во другите големи градови во Турција е напрегната по нападот во Анкара на 13 март, во кој загинаа 37 лица и над 120 беа ранети. Одговорноста за нападот ја презеде „Јастреби за слободата на Курдистан“, вооружена група за која се смета дека е поврзана со Курдската работничка партија.

Во Анкара по нападот беа засилени проверките на автомобили, на улиците дежураат повеќе полицајци, зголемени се и мерките за безбедност и контролата на посетителите во големите трговски центри, како и набљудувањето на ситуацијата по улиците на места каде се собираат многу луѓе.

XS
SM
MD
LG