Достапни линкови

logo-print

Давутоглу го врати мандатот за нова влада во Турција


Турскиот премиер Ахмед Давутоглу го врати мандатот за состав на нова влада откако со двете клучни парламентарни партии не успеа да договори коалиција која би владеела заедно со неговата Партија на правдата и развојот. Тој мандатот го врати на состанокот со претседателот на Турција Реџеп Таип Ердоган. Ердоган би можело да ја распушти привремената влада и да повика парламентарните партии да формираат нов привремен кабинет доколку договор не биде постигнат до 23 август. Тоа значи дека до одржување предвремени избори наесен власта би ја делеле сите четири партии кои влегоа во парламентот. Партија на правдата и развојот што ја основа Ердоган, го загуби парламентарното мнозинство по изборите во јуни за првпат од 2002 година.

XS
SM
MD
LG