Достапни линкови

Кери пред Конгресот за договорот со Иран


Американскиот државен секретар Џон Кери ги предупреди членовите на Конгресот дека оддалечувањето од договорот за нуклеарната програма на Иран ќе му даде на Техеран зелено светло да се врати на својата нуклеарна програма. Алтернатива на овој договор што ние го постигнавме не е подобар договор, рече Кери. Сведочејќи јавно пред Комисијата за надворешни работи тој рече дека договорот со Иран не е со намера да се реформира тврдокорниот режим во земјата, туку да се спречи создавање на атомска бомба. Придружуван од секретарот за финансии Џек Лу и секретарот за енергетика Ернест Мониз, Кери го бранеше нуклеарниот договор со Иран во својот втор настап пред Конгресот за една недела. Конгресот има рок до 17 септември да го провери договорот.

XS
SM
MD
LG