Достапни линкови

Новогодишен пазар во Куманоново


Куманово

Куманово

Педестина тезги на кои се продаваат разни новогодишни подароци, се поставени во центарот на Куманово. Меѓу трговците ретко кој е задоволен. Повеќето, се жалат дека годинава продажбата е послаба од лани.

Новогодишни честитки, балони во разни форми и бои, капи, шалови, чорапи, играчки, гердани, белегзии и уште многу дребулии 50-ина кумановски тезгаџии на малиот Градски плоштад секојдневно од утро до вечер им ги нудат на минувачите. Со насмевки и повици, со разни музички звуци, ѕвончиња, се трудат да предизвикаат внимание кај децата, кои пак од родителите ќе бараат да се фатат за џеб и да им купат нешто. Цените се главно од пет до сто денари. Меѓутоа, поради сиромаштијата изгледа луѓето се помалку излегуваат, ама и вешто ги одбегнуваат тезгаџиите од кои се кријат дури и со погледот. Како им минуваат деновите кога веќе ситно се одбројува крајот на 2009-та година, тезгаџиите раскажуваат:
Моментално не сум задоволна. Очекувам да биде подобро

,,Кога оди, кога не оди. Локацијата е добра, а закупнината за местото лани беше 3-4 илјади, сега не знаеме.“

,,Моментално не сум задоволна.Очекувам да биде подобро.“

,,Честитки послабо се продаваат во однос на лани. Се заработува нешто, ама слабо. Се смрзнуваме по цел ден.“

,,Оваа година многу слабо. Ќе има заработувачка колку за празниците. За една софра ќе обезбедиме, ама за повеќе слабо. Се надевам дека малку ќе платиме закупнина. Честитките се два денара, ама поштарината е скапа, 15 денари за тука, а 150 за странство. Се бориме за егзистенција.“

И како што во секое правило има исклучок, така и меѓу новогодишните трговци има и задоволни.
Честитки послабо се продаваат во однос на лани. Се заработува нешто, ама слабо. Се смрзнуваме по цел ден


,,Засега сум задоволен. Одиме со поефтина стока и добро е.“

,,Зависи од времето. Ако е постудено нема деца, ако е топло децата шетаат. Заработувам по две илјади дневно.“
Гастарбајтерите пак велат дека иако е криза во другите земји сепак е поинаку.

,,Јас сум во странство. Во Германија. Може на овој начин да се заработи. Нашиот народ е 40 % социјално загрозен,таму има новогодишни попусти. Овдека не се попусти, туку манипулации.“

Кумановските новогодишни тезгаџии на нивните времени работни места ги држи оптимизмот и желбата да ги орасположат своите купувачи, а потоа со по некоја пара да се орасположат и себеси и нивните семејства.
  • 16x9 Image

    Светлана Антиќ Јовчевска

    По завршувањето на Студиите по новинарство во Скопје во 1985 година започнува да работи како економски новинар во Куманово, а потоа како дописник на „Вечер“,соработник на „Нова Македонија“,„Утрински весник“,на МРТВ, МИА, Радио Дојче Веле и неколку неделници. Од основањето на Радио Слободна Европа известува за настаните од својот град.

XS
SM
MD
LG