Работниците низ светот се откажаа од традиционалните демонстрации за Први мај поради мерките за спречување на ширењето на коронавирусот, а спроведуваа акции на интернет, додека малку протести се одржаа и тоа со потребната физичка дистанца и маски.

Агенциите јавуваат дека денеска имало приведувања во Филипини, Русија и Турција, немири во Индонезија, а солзавец бил употребен во Хонг Конг поради прекршување на правилата за јавни собири во време на пандемија. Другите собири за денот на работниците генерално беа мали и поминаа без инциденти.

• Спречени повеќето првомајски собири во Турција

Во Турција властите им дозволија на некои синдикати да положат цвеќе на симболични места, а најмалку 45 луѓе беа приведени во Истанбул и Анкара откако ги прекршиле правилата на движење донесени како мерки за спречување на коронавирусот. Полицијата, како што јавуваат агенциите, го опколила седиштето на левичарскиот работнички синдикат ДИСК и ги спречила неговите членови, кои носеле цвеќиња во рацете и извикувале слогани да маршираат низ Истанбул.

Во Грција неколку стотини членови на комунистичкиот синдикат ПАМЕ денеска излегоа на демонстрации пред парламентот во Атина, а насобраните стоеја на физичка дистанца препорача за да се спречи ширењето на коронавирусот.

• Протести за Први мај во Грција со неопходната физичка дистанца

Во други земји, како Финска на пример, традиционалните пикници беа заменети со преноси во живо од рестораните кои одржуваа часови за правење коктели, а ја доставуваа до домашни адреси храната која традиционално се подготвува за Први мај.

Конгресот на британските синдикати ги откажа јавните собири и побара од луѓето да постираат видеа на социјалните мрежи со кои им се заблагодаруваат на „работниците кои прават разлика“ пред се на вработените во Националниот здравствен сервис.

Најголемиот синдикат во Данска почна кампања на социјалната мрежа Фејсбук под слоганот „Заедно сме посилни, но секој останува безбеден одделно“ додека синдикатите во Мароко и Тунис ги охрабрија луѓето да го одбележат Први мај онјалн.

Италијанците традиционалниот концерт на плоштадот во Рим го заменија со виртуелен перформанс кој се емитува во живо на јавниот сервис.

Три автоматски пушки, една снајперска пушка, два автоматски пиштоли со пригушувачи, рамки со муниција, една полуавтоматска пушка, оружје кое потекнува од кражба од продавницата за оружје, вчера беа пронајдени во Скопје.

Како што информираше МВР, оружјето вечера било пронадено во бункери, денеска при пребарување на теренот во специјално направен бункер биле пронајдени 2,5 килограми хероин.

„Бирото за јавна безбедност- Оддел за криминалистичка полиција во координација со СВР Скопје- Единица за недозволена трговија со дрога синоќа и денеска со наредба на судија на претходна постапка од Основен суд Скопје 1, презеде мерки и активности на локација на улица Алпи во Скопје и во специјално направени бункери пронајде повеќе видови оружје, се наведува во соопштението на полицијата“, информираа од МВР.

Претседателот Стево Пендаровски денеска реагира на изјавата на Бугарија приложена кон заклучоците од Советот за општи работи на Европската унија.

„Ако цената да влеземе во Европската унија е да кажеме дека не сме Македонци и да кажеме дека нашиот јазик се именува некако поинаку освен македонски јазик, не ни треба Европската унија“, вели Пендаровски во интервјуто за емисијата „360 степени“.

Инаку во изјавата на Бугарија прикачена кон записникот на седницата на Советот за општи работи на Европската унија од 25 март меѓудругото се бара Скопје да престане со каква било поддршка на организации кои се декларираат како македонско малцинско во Бугарија, во меѓународни организации земјава да декларира дека нема каква било основа да бара малцински статус за која било група, се бараат иконкретни работи и политичка вклученост во работата на Заедничката комисија за историски и образовни прашања, а јазикот во ЕУ документите и преговарачката рамка Софија бара да се именува како официјален јазик на Република Северна Македонија.

• Софија со закана за македонските европски интеграции

Вицепремиерот за европски прашања Бујар Османи денеска рече дека бугарската изјаваунилатерален став на една земја членка.

„При тоа воошто не се обидувам да го омаловажам или пак да го спорам тој став бидејќи секоја земја членка има право на свој став, како што имаме ние право на свој став, и да објаснам дека ние сме свесни дека правилата на игра во ЕУ се такви“, рече Османи.

• Османи: Преговарачката рамка на 3 јуни, секоја членка може да блокира

Тој додаде дека секоја земја членка може да ги стопира или блокира преговорите, но оти треба мудро да се однесуваме за да најдеме начин да ги надминеме.

Социјалниот дијалог што го води ССМ со Владата и аргументираните барања даваат резултати, истакнува Сојузот на синдикати во соопштението кое следува по објавата на Владата дека се изменети двете уредби кои во изминатите денови наидоа на жестоки реакции од страна на синдикалните организации.

„Првомајска победа на ССМ. Стоп за можноста за отпуштање на работници. Ги враќаме назад отпуштените работници од почетокот на кризата“, пишува во соопштението од ССМ.

Од синдикатот наведуваат дека уредбите на денешната владина седница биле донесени по предлог на ССМ и други синдикати.

• Влада: изменета е уредбата, се оневозможува неправедно бркање од работа

Претходно владата соопшти дека денеска донела уредба со која работодавачите кои ќе користат финансиска поддршка за исплата на плати не смеат да го намалат бројот на вработени во април, како и два месеца по завршување на мерката, односно заклучно со јули.

До ова дојде откако неделава министерката за финансии Нина Ангеловска рече дека владата одлучила да има нови правила за користење државна помош наведувајќи дека фирмите кои ќе користат може да отпуштаат вработени, што предизвика силни критики од синдикатите и невладините организации.

• Нови правила за фирмите и за државната помош

Најверојатниот кандидат од американската Демократска партија за претседател на Соединетите Американски Држави Џо Бајден во денешното интервју за кабелската телевизија МСНБЦ одговори на обвинувањата од Тара Рид, жена од Калифорнија која тврди дека тој сексуално ја злоупотребувал во 1993 година, кога работела како асистент во неговата канцеларија во Сенатот.

„Ви кажувам недвосмислено, тоа никогаш, никогаш не се случило“, рече Бајден.

Инаку, 77 годишниот Бајден е и поранешен американски потпретседател.

Според официјалните податоци, што беа соопштени денеска, за состојбата со коронавирусот во државава, потврдено е дека во Дебар нема новозаразени, а негативен е и тестот на последниот случај кој беше присутен во градот.

„Во нашиот град повеќе немаме новозаразени од опасниот вирус. И за последниот случај што го имавме вториот контролен тест излезе негативен, што значи дека и тој е впишан во списокот на лицата кои ја добија битката со овој вирус. Вкупната бројка на заразени останува 51 од кои двајца од Центар Жупа. За жал четворица од заболените починаа“, изјави за МИА градоначалникот на Дебар, Хекуран Дука.

Посочи дека нема лица ниту во изолација, ниту пак во самоизолација. Дука, кој раководи и со општинскиот Оперативен штаб сепак апелира до граѓаните и понатаму строго да ги почитуваат препораките и мерките на надлежните, затоа што, како што додава „битката е добиена, но не и војната со невидливиот непријател“.

Инаку дебрани и понатаму се мошне доследни во почитувањето на препораките и мерките. Забраната за движење во периодот од речиси два месеца ја прекршиле помалку од десет лица. Од Оштата болница си замина и последната, четврта група лекари специјалисти кои доаѓаа од Скопје и од други градови за да помогнат во справувањето со коронавирусот.

Светската здравствена организација (СЗО) денеска соопшти дека работи со компаниите во чија сопственост се социјалните медиуми во обид да се спречат дезинформациите поврзани со пандемијата од коронавирусот, а најголемо внимание се посветува на апликации кои го користат тинејџерите.

СЗО соопшти дека почнале соработка со Снепчат и ТикТок за да може да стигнат до што поголем број млади корисници на социјалните мрежи. Анди Патисон, шеф во СЗО за дигитални медиуми, рече дека се борат со дезинформации секојдневно, нагласувајќи дека лажните вести се шират многу брзо.

Од организацијата велат дека се обидуваат да се пресметаат со дезинформациите со ширење на научно поткрепени пораки на дигиталните апликации.

• Над 3.308.000 коронапозитивни во светот, најпогодени САД

Плоштадите во Турција главно останаа тивки на Меѓународниот ден на трудот поради полицискиот час воспоставен поради коронавирусот. Властите им дозволија на некои синдикати да положат цвеќе на симболични места. Само во Истанбул околу 45 000 полицајци беа на улиците за да спречат собири и покрај полицискиот час. Претходно најмалку 45 луѓе беа приведени во Истанбул и Анкара откако ги прекршиле правилата на движење донесени како мерки за спречување на коронавирусот.

• Први мај - наместо на работнички собири на социјални медиуми

Полицијата, како што јавуваат агенциите, го опколила седиштето на левичарскиот работнички синдикат ДИСК и ги спречила неговите членови, кои носеле цвеќиња во рацете и извикувале слогани да маршираат низ Истанбул.

Неколку стотини членови на грчкиот комунистички синдикат ПАМЕ денеска излегоа на демонстрации пред парламентот во Атина, а насобраните стоеја на физичка дистанца препорача за да се спречи ширењето на коронавирусот.

• Први мај - наместо на работнички собири на социјални медиуми

Повеќето демонстранти носеа црвени маски, а на Меѓународниот ден на работниците побараа тие да не ја платат цената за глобалната економска криза предизвикана од пандемијата на коронавирусот.

Стотици работници исто така излегоа и на улиците на други грчки градови и речиси секаде ја држеа неопходна физичка дистанца. Сите други грчки синдикати ги откажаа протестите поради пандемијата.

Работодавачите кои ќе користат финансиска поддршка за исплата на плати не смеат да го намалат бројот на вработени во април, како и два месеца по завршување на мерката, односно заклучно со јули. Ова, како што јавува МИА, е измената на Уредбата за финансиска поддршка за плати што Владата ја усвои денеска на продолжението на 48-та седница.

Од владата појаснуваат дека работодавачот не смее да го намали бројот на вработени освен во случај на пензионирање и смрт на работник, откажување на договорот за вработување од страна на работникот, откажување на договорот за вработување без отказен рок од страна на работодавачот поради кршење на работниот ред и дисциплина или работните обврски, спогодбено преземање на работник, престанување на важноста на договорот за вработување врз основа на судска пресуда и престанување на важноста на договорот за вработување поради утврдена трајна неспособност за работа.

„Уредбата определува дека вкупниот број на вработени на кои исклучиво по овие основи би им бил прекинат или завршен работниот однос, заклучно со месец јули 2020 година не смее да биде повеќе од 15 отсто кај работодавач кој имал до 50 вработени во месецот за кој користел финансиска поддршка, 10 отсто кај работодавач кој имал од 51 до 250 вработени во месецот за кој користел финансиска поддршка и пет отсто кај работодавач кој имал над 250 вработени во месецот за кој користел финансиска поддршка“, се наведува во соопштението од Владата.

• Нови правила за фирмите и за државната помош

Неделава министерката за финансии Нина Ангеловска рече дека владата одлучила да има нови правила за користење државна помош наведувајќи дека фирмите кои ќе користат може да отпуштаат вработени. Првично важеше правилото ако користи владина помош, работодавачот мора да го задржи истиот број на вработени два месеца по користење на мерката, односно до јули.

На ваквата владина одлука реагираа повеќе синдикати и невладини организации, оценувајќи ја како неприфатлива.

• ССМ: Не смеат да се носат уредби по нарачка на газди и комори