Вести
Илјадници се собраа во Париз да му оддадат почит на убиениот наставник
Илјадници луѓе се собраа во центарот на Париз на 18 октомври да му оддадат почит на наставникот кој беше обезглавен од страна на етнички Чеченец, бидејќи на учениците им покажувал карикатури од пророкот Мухамед.
Демонстрантите положија цвеќе на плоштадот во центарот на Париз и држеа плакати на кои пишуваше „Не за тоталитаризмот на мислата“, „Јас сум учител“, во знак на спомен на жртвата Самуел Пети.
„Апсолутно е важно да ја покажеме нашата мобилизација и нашата солидарност, нашата национална кохезија“, ијави министерот за образование Жан-Мишел Бланке за „Франс 2“ повикувајќи ги сите да ги поддржат наставниците.
Собири исто така беа организирани во Лион, Тулуз, Стразбур, Нант, Марсеј, Лил и Бордо.
Пет беше убиен на 16 октомври од страна на 18-годишен чеченски бегалец роден во Москва по име Абдулах А, соопштија француските власти.
Убиецот беше застрелан од полицијата кратко откако го обезглавил наставникот, во близина на школото во предградието на Париз.
47-годишниот наставник по историја и географија претходно овој месец на учениците им покажувал карикатури од пророкот Мухамед, како дел од дискусија во класот за слободата на изразување.
Француските медиуми известија дека дискусијата предизвикала поплаки од родителите на некои ученици, вклучително татко на една ученичка кој повикал на онлајн мобилизација против Пети.
Муслиманите веруваат дека секое покажување на Мухамед е богохулно.
Таткото на ученичката и познат исламистички милитант се меѓу уепсените, заедно со неколку членови на семејството на осомничениот.
„Франс 24“ соопшти дека 11 осомничени биле уапсени на 18 октомври, цитирајќи судски извори.
Полицијата соопшти дека не знае дали убиецот имал некаква врска со училиштето. Тој живеел во градот Евру.
Франција забележува серија од насилни напади извршени од исламистички милитанти во последните неколку години. Таа има најголемо муслиманско население во Западна Европа, со околу пет милиони приврзаници.
Десет починати и 428 нови позитивни на Ковид-19
Македонските здравствени власти регистрираа 428 нови случаи на коронавирус, со што вкупната бројка на заразени од почетокот на епидемијата се искачи на 23.628.
Вкупниот број на смртни случаи во досега е 834, откако во изминатото деноноќие починале десет лица. Официјалните бројки покажуваат дека во моментов во земјава има 5.555 активни случаи на Ковид-19.
Измените на Законот за заштита од заразни болести е во собраниска процедура и се очекува следната недела да бидат усвоени нови амандамни, за потоа да бидат донесено новите мерки со цел спречување на ширењето на ковид-19, како што објави министерот за здравство Венко Филипче.
Од новорегистрираните случаи, најмногу се регистрирани во Скопје – 200, потоа во Тетово 30, Прилеп 29, Кавадарци 17, Куманово 16, Гевгелија 15, Битола 14...
Денеска Институтот за јавно здравје регистрира 128 оздравени пациенти. Досега во земјава направени се вкупно 221.011 тестирања на Ковид-19.
Г.г. Стефан: Бигорски е потврда за правото на црковна самобитност
Бигорскиот манастир е најпрепознатливиот сведок на нашата црковна реалност и на нашата подготвеност и потврда на нашето право за црковна самобитност во православниот свет, рече денеска поглаварот на МПЦ-ОА, Митрополитот скопски и Ахиепископ охридски и македонски г.г. Стефан на централната прослава на одблежувањето 1.000 години од постоењето на манастирот.
„Но, свесни сме дека во православното живеење и творење ништо, ниту почнува, ниту се остварува без благословот и молитвеното застапништво пред милосливиот Бог за преуспевање и за напредок“, рече архиепископот г.г. Стефан.
Ваквиот говор за правото на црковна самобитност на архиепископот г.г. Стефан додаѓа во услови кога Српската православна црква (СПЦ) со години го блокира признавањето на Македонската православна црква – Охридска архиепископија (МПЦ – ОА).
Во оваа насока во сепрември оваа година и македонскиот премиерот Зоран Заев во писмо до поглаварот на Цариградската патријаршија Вартоломеј наведе дека православниот народ во земјава заслужува црковна независност и автокефална МПЦ-ОА.
Во изминатите неколку декади по распадот на Југославија, имаше повеќе неуспешни обиди преку преговори да биде решен црковниот спор меѓу Македонија и Србија.
На денешната прослава на одбележувањето 1.000 години од постоењето на Бигорскиот манастир – Свети Јован Крстител, говореше и македонскиот претседател Стево Пендаровски.
Пендаровски исто така во септември оваа година му напиша писмо на патријархот на Цариградската патријаршија Вартоломеј, во кое побара тој да го употреби своето апелационо право за македоснките граѓани од православна христијанска вероисповест „конечно да ја добијат можноста да бидат еднакви со сите останати православни христијани во светот.“
Висок преговарач на Авганистан во посета на Иран
Авганистански висок преговарач пристигна во Иран, бидејќи во тек се внатрешни авганистански мировни преговори во заливската држава Катар.
Преговорите меѓу Авганистанската влада и Талибанците беа запрени на 12 септември, а двете страни не беа во можност да договорат преговарачка рамка со цел ставање крај на 19-годишната војна во земјата.
Абдула Абдула, шефот на Високиот совет за национално помирување на Авганистан– тело кое ги набљудува мировните преговори со Талибанците, на 18 октомври пристигна во Техеран во тридневна посета.
Иран е клучен регионален фактор кој има влијание врз талибански и авганистански политички фракции.
Абдула на Твитер соопшти дека „ќе се сретне со иранското раководство“ и дека „ќе размени мислења за мирот во Авганистан и за сите други релевантни билатерални прашања, за да се промовира долгорочна соработка и пријателство.“
Неговата посета на Иран доаѓа по неодамнешната посета на Пакистан, кој исто така е регионална сила и главен спонзор на Талибанците.
Врските меѓу иранското шиитско мнозинство и Талибанците, кои се фундаменталистичка сунитска група, се сложени.
Иран официјално се спротивставува на Талибанците, но експерти велат дека тој им дава одредена воена подршка на главните Талибанци, па дури и на спротивставените одвоени фракции.
Посетата на Абдула доаѓа откако специјалниот претставник за помирувањето во Авганистан, Залмај Калилзад, минатата недела рече дека Иран „сака да ги задржи САД во непобедлива и скапа војна во Авганистан.“
Според договорот потпишан меѓу САД и Талибанците во февруари, странските сили треба да го напуштат Авганистан до мај 2021 година во замена за антитерористички гаранции од Талибанците, кои се согласија да преговараат за трајно примирје и формула за поделба на моќта со Авганистанската влада.
СДСМ - Нема причина за одржување лидерска средба
Не гледаме потреба од лидерска средба, соопшти денеска владејачката партија СДСМ откако тоа вчера го побара лидерот на опозициската ВМРО-ДПМНЕ Христијан Мицкоски.
Портпаролката на СДСМ Богданка Кузеска образложи дека ваквиот став е бидејќи „Мицкоски не е за договор на било која тема“ и дека „бара начин како да наштети на државата, особено на процесите кои не водат кон ЕУ.“
Таа исто така оцени дека лидерот на ВМРО-ДПМНЕ немал став за ниту едно национално или стратешко прашање.
„Македонскиот јазик, македоснкот идентитет и посебност се меѓународно потврдени и признаени од целиот свет. Со нашиот сосед Бугарија имаме Договор за соработка и добрососедство, кој патем е потшишан и на македоснки јазик. (...) За темите кои произлегуваат од Договорот изразуваме волја да ги решаваме преку работата на комисиите“, рече Кузеска.
Претходно денеска ВМРО-ДПМНЕ повторно повика најголемите партии во земјата да одржат лидерска средба.
ВМРО-ДПМНЕ денеска наведе дека одбивањето на барањето за лидерска средба е бидејќи „Зоран Заев е човек на кој не му се важни интересите на граѓаните и Македонија.“
Вчера лидерот на ВМРО-ДПМНЕ на прес-конференција рече дека релевантните политички партии треба да разговараат за преговорите со Бугарија, за пописот, економијата и образованието.
Мицкоски ги даде коментарите откако деновиве македоснки и бугарски политичари даваат изјави за отоврените прашања меѓу Македонија и Бугарија и за тоа дали тие ќе бидат препрека за почнувањето на преговорите на земјава со ЕУ.
Пораст на заразени од коронавирус, Европа ги заострува мерките
Поради новите бранови на инфицирани од коронавирусот во Европа, земјите ги заоструваат мерките за спречување на ширењето на заразата. Бројот на инфекции расте и во балканските земји.
Властите од Шпанија до Британија спроведоа нови строги мерки во услови на зголемени инфекции. Париз и осум други француски градови воведоа полициски час од 21 часот до 6 часот наутро.
Бројот на потврдени случаи се зголемува и во Германија, која пријави 5.587 нови случаи на 17 октомври, со вкупен број на досега регистрирани кој достигна 361.974.
Чешките власти соопштија дека на 17 октомври се регистрирани 8.713 нови случаи на заразени од коронавирус, а вкупната бројка се искачи на 168.827 од почетокот на епидемијата.
Во регионот на Балканскиот Полусотров деновиве исто така во повеќе земји има зголемување на бројките на позитивни на Ковид-19.
Македонското Министерство за здравство денеска соопшти дека заштитната маска, одржувањето на физичката дистанца и миењето раце во моментов се клучни и единствени мерки против заразата, во услови кога во земјата вчера беа регистрирани рекордни 594 случаи за едно деноноќие.
„Ризикот кој го носи есента е сериозен аларм дека мора доследно и во целост да ги почитуваме мерките за заштита“, велат од Министерството за здравство.
Во оваа насока здравствените власти најавија измени на Законот за заштита од заразни болести за да биде овозможено воведување на нови мерки.
Тие посочија дека веќе следнава недела македонското Собрание со амандмани ќе направи интервенција во Законот.
Во Хрватска се забележани 819 новозаразени, со што вкупниот број на активни случаи сега е 5.164, за 320 повеќе во однос на претходниот ден. Во истиот период починале осум луѓе.
Според податоците на здравствените институции во Босна и Херцеговина, кај 556 тестирани лица е потврдено присуство на коронавирусот, а починале три лица. Нови случаи се регистрирани во сите кантони на Федерацијата БиХ.
Коронавирусот (SARS-CoV-2) се појави во Кина на крајот на 2019 година, а потоа се прошири во сите делови на светот. Вирусот предизвикува зголемена телесна температура, воспаление на бели дробови, а може да доведе и до смрт.
Заев - Пописот беше одложен по барање на опозицијата
Пописот во земјата ќе биде спроведен во април 2021 година, изјави денеска македонскиот премиер Зоран Заев.
Неговата изјава доаѓа во услови кога државата последен пат оваа статистичка операција ја спроведе пред скоро 20 години.
Заев вели дека пописот и неговите резултати „никако не влијаат на Уставот, на Рамковниот договор или слично“, а дека секој граѓанин има одговорност да излезе на попис.
„Пописот треба да се спроведе заради рамномерниот развој, економските параметри, статистикте кои ни требаат во државата. Има правила Евростат и треба да ги почитуваме до крај. Април 2021 е месецот за спроведување на пописот“, напиша Заев на социјалната мрежа Фејсбук.
Тој додаде дека пописот го одложиле бидејќи лидерот на ВМРО-ДПМНЕ Христијан Мицкоски и опозицијата барале да биде одложен неколку месеци поради пандемијата на Ковид-19.
Во 2002 година е последениот попис спреоведен во Македонија по нејзиното осамостојување.
Пописот се подготвува неколку години пред неговото спроведување на терен, а податоците се обработуваат подолг временски период по нивното прибирање, според Државниот завод за статистика.
Во 2011 година државата започна со попишување на населението, но процесот беше прекинат.
За стопирањето на пописот во 2011 година поранешното СЈО отоври предмет „Попис“, кој потоа го презема ОЈО за организаран криминал и корупција.
Како што беше наведено од страна на СЈО, случајот е против поранешниот премиер Никола Груевски и неговиот коалициски партенер Али Ахмети, бидејќи со стопирањето на пописот организиран од Владата предводена од нивните партии ВМРО-ДПМНЕ и ДУИ нанеле штета на Буџетот во висина од 2,8 милиони евра.
Протестен марш во Белорусија и покрај заканите од полицијата
Белоруските демонстранти ќе организираат марш на 18 октомври против авторитарното владеење на Александар Лукашенко и покрај заканата на властите дека ќе отворат оган на демонстрантите.
Во Белорусија се одржуваат протести откако Лукашенко, кој е на власт од 1994 година, беше прогласен за победник на изборите во земјата на 9 август поради обвинувања за местење на гласањето.
Ноговиот главен ривал Светлана Циханускаја беше принудена да избега во Литванија по гласањето, за која нејзите поддржувачи и други велат дека победила на изборите.
Циханускаја и нејзините поддржувачи го засилија притисокот оваа недела, откако таа го повика Лукашенко да се повлече на 25 октомври или да се соочи со протести во целата земја. ЕУ и САД одбија да го признаат Лукашенко за легитимен владетел на Белорусија.
Илјадници демонстранти планираат да одржат марш во главниот град Минск на 18 октомври, одржувајќи ја низата протести секоја недела во последните два месеци, на кои привлекоа десетици илјади луѓе.
Маршот доаѓа само неколку дена откако властите се заканија дека ќе пукаат врз демонстрантите за да ги спречат протестите против Лукашенко.
Првиот заменик министер за внатрешни работи Генадиј Казакевич на 12 октомври предупреди дека безбедносните сили „ќе употребат специјална опрема и смртоносно оружје доколку е потребно.“
Бомбашки напад пред полициска станица во Авганистан, 20 загинати
Во напад со автомобил бомба пред полициска станица во централен Авганистан загинаа најмалку 20 луѓе, според Министерството за вантрешни работи.
Портпаролот на Министерството за внатрешни работи Тарик Ариан изјави дека автомобил наполнет со експлозив бил актививиран пред полициската станица во Фироз Кох – главен град на провинцијата Гор, околу 11 часот по локално време на 18 октомври.
Ариан, кој не даде повеќе детали, го опиша инцидентот како „терористички напад.“
Портпаролот на полицијата во Гор, Абдул Мареф Рамеш, изјави дека експолизијата предизвикала големи цивилни жртви.
Ниту една група не презема одговорност за нападот, иако за слични инциденти во минатото се обвинуваа Талибанците.
Гор, која е планинска и оддалечена провинција во централните висорамнини на Авганистан, е една од најсиромашните и најнестабилни области во земјата.
Експлозијата доаѓа во услови кога преговарачите на Талибанците и на Авганистанската влада се состанаа во Доха да преговараат за ставање крај на 19-годишната војна во земјата.
Талибанците одбија прекин на огнот на национално ниво и покрај тековните мировни разговори кои започнаа на 12 септември.
Мисијата на ОН за помош во Авганистан документираше повеќе од 1.280 смртни случаи на авганистански цивили во текот на првата половина на 2020 година, главно како резултат на борбите меѓу авганистанските владини сили и талибанските милитанти.
Трамп за три дена одржа митинзи во четири држави
Претседателот Доналд Трамп оди „all in“, изјави неговиот портпарол на 17 октомври додека изборите во САД се заоструваат во последните две ипол недели, а претседателот одржа митинзи во четири држави во три последователни дена.
Трамп вчера зборуваше на митинзи во Мичиген и Висконзин. Неговиот следен настан го планира за денеска во Невада и уште два на 19 октомври во Аризона.
Меѓу четрите држави се вклучени некои каде тој победи во 2016 година, но тие сега го поддруваат демократскиот ривал Џо Бајден, според повеќе анкети на гласачи.
Неговиот бурен распоред има за цел да ги натера неговите тврдокорни поддржувачи да излезат во огромен број на изборите на 3 ноември.
Во Мичиген, Трамп се фокусираше на темите за културните војни и стравувањата од, како што рече, што ќе донесе управувањето на Белата куќа од страна на Демократите.
Тој рече дека тие сакаат „да ја избришат американската историја, да ги прочистат американските вредности и да го уништат американскиот начин на живот.“
Трамп полета кон Висконзин, држава каде има зголемен број на случаи на коронавирус.
Повеќето во толпата не одржуваа социјална дистанца и не носеа маски.
Бајден на17 октомври се одмори од предизборната кампања, но треба да одржи настан на 18 октомври во Северна Каролина.
Мултимедија
Најпосетени
Што треба да знаете