По терористичките напади во Москва и во Дагестан, во Москва се зголемуваат расистички мотивираните напади врз странците, посебно врз луѓето од Кавказот. Честа цел се и жени кои се облечени според муслиманската традиција. Затоа, овие луѓе деновиве ги избегнуваат улиците на Москва.
Во денешните две експлозии во московското метро загинале најмалку 39 луѓе, а над 60 беа повредени јавувија руските медиуми. Според Федералната служба за безбедност, за нападите биле одговорни жени самоубици. Претседателот Дмитри Медведев најави решавачка борба против тероризмот.
Барак Обама престојуваше во неколкучасовна, ненајавена посета на Авганистан, негова прва, откако стана американски претседател. Тој на авганистанските власти им порача дека борбата против корупцијата мора да соодетствува со воените постигнувања против екстремистите во регионот.
Новиот договор за ограничување на нуклеарното оружје претставува пат кон мирот и безбедноста во светот, изјави американскиот претседател Барак Обама по телефонскиот разговор со рускиот претседател Дмитри Медведев.
Премногу задолжената Грција доби ветување за голема финансиска поддршка од другите земји кои ја користат еврото валута. Станува збор за заеднички договор со Меѓународниот монетарен фонд, кој има за цел да ја запре државната должничка криза во Грција, што пак ја поткопува вредноста на еврото.
Русија и Соединетите Држави, според некои наводи, ги надминале сите разлики за новиот договор за контрола на вооружувањето. Историскиот договор за намалување на нуклеарното оружје, би требало да биде потпишан за помалку од две недели во Прага.
Американските законодавци ги одобрија клучните реформи во здравството. Демократите во Претставничкиот дом конечно успеаа да обезбедат повеќе од 216 гласови кои им беа потребни за минување на законот.
Меѓународните преговарачи за Блискиот исток денеска во Москва го повикаа Израел да ја „замрзне“ активноста околу изградбата на населби додека тие се обидуваат да го покренат преговарачкиот процес со палестинците. Меѓународниот Квартет заседаваше во Москва.
Продолжуваат контроверзите околу лажниот телевизиски извештај за руската инвазија врз Грузија. Соочен со големи критики претседателот Михаел Саакашвили ја смени првичната оценка со која застана во одбрана на извештајот.
Британскиот секретар за надворешни работи Дејвид Милибанд пристигна во Кина. Тој со кинеските лидери се очекува да се допре на можноста за поостри санкции против Иран поради нуклеарната програма на Техеран.
Владите во светот во минатата година продолжија да ги кршат основните човекови права. Ова е оценката во редовниот годишен извештај на Стејт Департментот. Во него се додава дека над 30 те војни и конфликти во светот предизвикуваат зголемен број на тортури, егзекуции и кршење на човековите права.
Европската унија нема да прифати создавање нови држави на Балканот. Ова во интервју за Радио Слободна Европа го вели новиот комесар на Европската Унија за проширување Штефан Филе. Според него, Унијата своите односи со соседите ќе продолжи да ги гради врз, како што вели, прагматична основа.
Вчитај повеќе
