Достапни линкови

Вести

Филипче: Сериозно е, активираме повеќе одделенија и тестови

Венко Филипче

Во Северна Македонија до сега од Ковид-19 заболеа 36.372 лица и брзо се пополнуваат болниците, па го активиравме планот за дополнителни одделенија, информираше денеска министерот за здравство, Венко Филипче, кој рече дека ако се почитуваат максимално мерките, ќе нема потреба од нови рестрикции.

„Функционира Центарот за белодробни болести каде уште има капацитети за пациенти, но гледајќи го напливот се активираше планот за интерните клиники, со гастро, дијализа, нефрологија, а следно се активираат очните клиники. Системот „Мој термин“ и понатаму функционира, секако, и продолжуваме да сместуваме пациенти во оваа зграда на интерни клиники. Лекарите и сестрите се на располагање“, рече Филипче.

Тој на денешната прес-конференција најави и дека ќе биде зголемен капацитетот на тестирање од идната недела за плус 500 на територијата на Скопје.

„Ние веќе го зголемивме капацитетот, во моментов на располагање има три илјади тестови дневно, и сега ги вклучивме брзите тестови. Отвораме дополнителни шест пункта од понеделник, што ќе значи дополнителни 500 термини почнувајќи од понеделник. Станува збор за тестови само за градот Скопје“, рече Филипче.

Тој негираше дека нема место за позитивните пациенти и информираше дека целата зграда на Клиниката за интерни болести ќе биде за ковид пациентите, како и дека другите дејности и пациенти нема да трпат поради тоа.

Министерот информираше и дека пристигнале сите вакцини за грип и дека за време на викендот ќе се дистрибуираат, а вакцинацијата ќе почне во вторник.

види ги сите денешни вести

Вкупно 1735 пациенти во болница се лекуваат од ковид-19

Инфективна клиника, ковид 19 амбуланта

Вкупно 1735 пациенти позитивни и суспектни на коронавирусот се лекуваат на инфективните оддели во Скопје и во болниците во другите градови. Засега има околу 340 празни болнички кревети во ковид – центрите, соопшти Министерството за здравство. Вкупно 726 лица сомнителни и потврдени за Ковид-19 се лекуваат на инфективните оддели во главниот град. Голем број од пациентите се на кислородна поддршка.

Во ковид – центрите во болниците во другите градови во изминатите 24 часа е пријавено дека се лекуваат вкупно 1009 пациенти позитивни и суспектни на коронавирусот.

Во текот на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород, стои во соопштението.

Владиците Петар и Агатангел хоспитализирани поради ковид-19

Двајца Владици од Македонската православна црква се хоспитализирани во приватната болница „Аџибадем Систина“. Станува збор за Владиката Петар и Владиката Агатангел кои биле заразени со вирусот ковид- 19. Дел од медиумите кои се обиделе да стапат во контакт со нив, јавуваат дека тие се во добра состојба и дека делумна хоспитализацијата била превентивна. Владиката Петар на прашање на ТВ24 не сакаше да одговори зошто се лекуваат приватно, а не државно.

„Еве слушна јавноста во болница сме, и тоа е доволно. Јас се лекувам во јавното здравство. Сега се гледа дека станува збор за сериозна болест сум дошол тука да се лекувам, нема што повеќе да се коментира тука,“ изјави владиката Петар за ТВ 24.

За телевизија Сител Митрополитот дебарско-кичевски Тимотеј изјавил дека вирусот не го поштеди ниту свештенството. Половина од свештениците во неговата епархија веќе го прележале вирусот. Во пресрет на велигденските празници, Тимотеј апелира граѓаните одговорно да празнуваат.

Договорени критериумите за „зелениот пасош“ на ред е Европската Комисија

Вкупно 13 земји членки на Европската Унија постигнаа договор за тоа кои ќе бидат критериумите за издавање на таканаречениот зелен пасош, со што ќе се олесни протокот на туристите во време на пандемијата. Австриската министерка за туризам Елизабет Констингер денеска изјави дека целта е да се примени „зелениот пасош“ брзо и по можност во униформиран облик на ниво на ЕУ. Таа рече дека тоа е „прашање за опстанок за европскиот туризам“.

Хрватска, Австрија, Кипар, Данска, Франција, Германија, Грција, Италија, Малта, Португалија, Словенија и Шпанија уште на крајот од март се договорија за седум критериуми за издавање на „зелен пасош“, кои треба да се спроведат најдоцна до почетокот на јуни.

„Зелениот пасош“ преку QR-код веднаш обезбедува информации за тоа дали лицето е вакцинирано, тестирано или прележал коронавирус. Ова овозможува едноставна и практична примена во ЕУ: од чекинг на аеродромите до посета на селска гостилница“, изјави австриската министерка за туризам.

Чувствителните здравствени податоци на носителите на „зелениот пасош“ исто така ќе останат во земјата на потекло и нема да се чуваат централно на ниво на ЕУ. Понатамошна цел е усогласување на примената на „зелениот пасош“ со трети земји. Списокот критериуми е доставен на контрола до Европската комисија, која наредните денови треба да донесе одлука за примена.

Нови 34 починати од ковид-19

Граѓани со маски како мерка против ширењето на ковид-19

Во изминативе 24 часа од последици од коронавирусот починале 34 пациенти од кои 15 се од Скопје. Најмладиот починат пациент бил на возраст од 42 години, додека најстариот имал 80 години. Бројот на новите случаи на заразени со ковид-19 изнесува 193 од вкупно 1192 направени тестови.

Најголем број на новозаразени се евидентирани во Скопје -110, потоа во Прилеп 16 и Кавадарци 15. Вкупниот број ковид-дијагностицирани лица во земјава од почетокот на епидемијата изнесува 142 034, бројката на оздравени пациенти е 117 794, на починати е 4 262, а бројот на активни случаи изнесува 19 978.

Владата го објави списокот на хонорарци

Влада на Република Северна Македонија

Владата денеска ги објави имињата на хонорарците кои во изминатата година преку авторски договори извршувале специфични задачи кои, како што се вели во соопштението, не може да се обезбедат од редот на вработените во Владата. Станува збор за 55 луѓе кои за извршување работни задачи – анализи за потребите на Владата, добивале плата од 15 до 60 илјади денари месечно.

„Внимателноста со која Владата постапи во овој случај, со вклучување на дополнителни консултации пред објавувањето на листата хонорарни соработници, беше мотивирана исклучително заради заштитата на интегритетот и приватноста на ангажираните лица. Во минатото сведочевме голем број организирани напади полни дезинформации, а дури и сега во конкретниот случај, сведочиме хајки преку одделни веб-портали и медиуми и на социјалните мрежи на лична основа и со обиди за загрозување на приватноста на граѓаните кои имаат чисти професионални договори за извршување задачи за Владата за поддршка на активностите кои се од интерес на граѓаните се вели во соопштението.

Во него се отфрлаат, како што е наведено, сите дезинформации околу тоа дека овие лица биле и вработени и добивале дополнителен хонорар.

Меѓу нив се Петрит Сарачини, поранешниот советник на поранешниот министер за култура Роберт Алаѓозовски, Шпенди Винца дипломиран социолог од Струга кој беше дел од лустраторската комисија, Јана Велковска која во претходниот владин состав работеше како посебен советник за односи со дијаспората во кабинетот на поранешниот министер без ресор Едмонд Адеми. На листата е и професорот од Економскиот факултет и поранешен потпретседател на СДСМ Ванчо Узунов. Потоа на листата се претседателот на подмладокот на СДСМ Марко Михаилоски, како и поранешниот претседател на подмладокот на СДСМ, Никола Тренчевски.

Работните позиции за кои се ангажирани хонорарци во Владата според објавената листа се анализи и извештаи во делот на правото, децентрализацијата, медиумски мониторинг и старетшки комуникации, потоа логистичка поддршка на комисијата за именување во кабинетот на вицепремиерот за борба против корупција. Голем дел од нив се ангажирани за прес активности.

До објава на овие податоци од страна на Владата дојде откако во истражувачка сторија на Призма беше наведено дека за договорени услуги кон хонорарци во изминативе две години од државниот буџет биле исплатени 2 милиони евра и при тоа, како што беше наведено во истражувањето, имињата на хонорарците биле заштитени, за разлика од имињата на вработените.

Иран го обвини Израел за нуклеарниот инцидент

Сателитска снимка од локацијата на нуклеарниот комплекс Натанз

Иран најави одмазда за наводниот чин на саботажа, односно прекин на електричната енергија во нуклеарниот комплекс Натанз кој го оцени како акт на „нуклеарен тероризам“. Прстот за саботажа го впери кон Израел, со што може да се засенат дипломатските напори за заживување на нуклеарниот договор во кој до неодамна не учествуваше САД, поради одлуката на поранешниот претседател Доналд Трамп.

Шефот на Иранската организација за атомска енергија Али Акбар Салехи изјави денеска дека чинот на „нуклеарен тероризам “ предизвикал прекин на електричната енергија на постројката во Натанз на само еден ден по откривањето на нова опрема за збогатување со ураниум јужно од Техеран. Нуклеарниот комплекс во Натанз е клучен во иранската нуклеарна програма и него го следат инспектори од МААЕ – Меѓународна агенција за атомска енергија и претставник на ОН, кои што потврдија дека се запознаени со инцидентот но немаат коментар.

Иранскиот министер за надворешни работи Мохамед Зариф го обвини Израел за инцидентот посочувајќи дека причината за него била одмазда кон нив поради „постигнатиот напредок на Иран на патот кон укинувањето на санкциите“

„Ние ќе им се одмаздиме“ изјави Зариф и при тоа на посочи докази за неговото тврдење.

Европската Унија предупреди на обидите за попречување на разговорите со кои Вашингтон ќе се врати во нуклеарниот договор, кој го напушти по одлуката на Трамп.

Иран: прекинот на струја во нуклеарниот комплекс како нуклеарен тероризам

Израел не потврди дали има некаква улога во инцидентот, и покрај тоа што израелски медиуми објавија дека разузнавачи од „Мосад“ спровеле операција со која ја вратиле работата на нуклеарната централа неколку месеци, повикувајќи се на анонимни извори. Предизвиканата штета на електроенергетскиот систем е голема и со тоа ќе се закочи процесот на збогатување со ураниум за најмалку 9 месеци. Израелскиот премиер Бенјамин Нетанјаху постојано го опишува Иран како најголема закана со која се соочува неговата земја.

„ Нашите нуклеарни експерти ка проценуваат штетата, но можам да ве уверам дека Иран ќе ги зголеми оштетените центрифуги со нови и понапредни за збогатување со ураниум “ изјави портпаролот на министерството за надворешни работи на Иран, Саед Катибџадех.

ГЕРБ ќе предложи Влада, премиерската позиција се уште е енигма

Илустрација, избори во Бугарија

Владејачката партија во Бугарија ГЕРБ ќе предложи нов владин состав по свикувањето на новото Национално собрание. Ова го соопшти на прес-конференцијата досегашниот вицепремиер Томислав Дончев. Бугарските медиуми јавуваат дека во новиот владин состав името на Бојко Борисов ќе отсуствува. Дончев на прес конференцијата беше категоричен дека партијата подготвила структури и персонал за секоја ниво на власт во Бугарија.

Но во јавноста и натаму останува неодговорено прашањето - кој ќе биде премиер.

„Како прва политичка сила, ние сме должни да предложиме влада во име на довербата на 840.000 бугарски граѓани, и покрај малите шанси таа да добие поддршка. ГЕРБ не стравуваат од кабинет назначен од претседателот Румен Радев“ изјави Дончев.

На парламентарните избори во Бугарија, кои се одржаа на 4 април, ГЕРБ победи во 24 изборни единици, Движењето за права и слободи во три, „Демократска Бугарија“ во две и „Има таков народ“ и БСП по еден.

74 пара чевли на трибините на кои во Сребреница загинале 74 Бошњаци

Фотографија од одбележувањето на 28-годишнината од гранатирањето на училишното игралиште во Сребреница на 12 април 1993 година

На училишното игралиште во Сребреница беше одбележана 28-годишнината од военото злосторство, кога граната истрелана од позицијата на армијата на Република Српска, уби 74 лица и рани околу стотина. По тој повод, денеска, 74 пара чевли беа поставени на клупите на трибините, а членовите на семејствата на жртвите и здруженијата положија цвеќе на спомен-плочата.

И претседателот на Домот на народите на Парламентарното собрание на Босна и Херцеговина, Бакир Изетбеговиќ им оддаде почит на убиените.

На 12 април 1993 година, на училишното игралиште се одржа фудбалски турнир. Гранатата одеднаш падна меѓу гледачите и уби 74 лица.


Ахмед Хрустановиќ во тоа време имаше помалку од седум години, но настанот остана длабоко врежан во неговата меморија.

"Бев близу и слушнав експлозија. Многу луѓе беа убиени, вклучително и еден од моите соседи кој го загуби неговиот единствен малолетен син во тоа време. Многу деца го загубија животот на трибините тука на училишното игралиште. Сета таа тага остави многу белег на сите нас. “, рече Ахмед Хрустановиќ.

Хасан Хасановиќ беше меѓу гледачите. Со огромна среќа тој преживеал. Во тоа време тој имал 17 години.

"Се играше турнир и мојот тим чекаше да го игра натпреварот. Седевме на трибините и одеднаш падна граната меѓу нас. Падна на четири метри од мене. Имаше паника, се онесвестив. Кога се вратив во себе си видоа многу Моите другари беа убиени, а ранетите повикуваа на помош. За жал, многу од оние кои беа ранети починаа на пат кон болницата. Многу од моите другари беа убиени по тој повод, а во геноцидот во јули 1995 година, изгубив мојот брат и татко близнак. како и неколку членови на семејството “, рече Хасан Хасановиќ.

Заев за „Марихуана“: Со кого и да се дружеле, ако згрешиле ќе одговараат

Премиерот Зоран Заев и министерот за здравство Венко Филипче

Без разлика кој со кого е близок, со кого се дружел или пиел кафе, ако некој го прекрши законот ќе си одговара, изјави денеска премиерот Зоран Заев, одговарјаќи на новинарско прашање во врска со обвинувањата од страна на опозицијата за вмешаност на негов братучет и фирмите за семејството Заеви во случајот со запленетата дрога во вредност од 800 илјади евра при заедничката акција на Министерството за внатрешни работи (МВР) и на ДЕА .

Премиерот нагласи дека неговиот прв братучет Трајче Заев, кого опозициската ВМРО-ДПМНЕ го споменување во контекст на случајот, веќе имал јавен коментар за овој настан, а „лицето Александар, кое се споменува, не е вработен во семејните фирми на Заеви, ниту пак комбето е во нивна сопственост“.


„Впрочем, комбето има грчки регистарски таблички. Немам што да додадам, ниту да одземам, законот важи еднакво за сите. Александар може да дружи со мојот прв братучет колку сака, законот важи еднакво за сите. Или некој началник на полиција можел да биде на слика со соработник со Заев, со Спасовски, законот важи еднакво за сите. Заврши времето кога такви случаеви беа табу тема во нашата земја. Кој со кого сака нека е близок, дружел, пиел кафе заедно, го има на слики, ако го прекрши законот си одговара“, изјави Заев, по средбата со претседателите на опозициските албански политички партии, Алијанса за Албанците и Алтернатива, Зијадин Села и Африм Гаши.

Ѓурчески-Не ни оди добро против трговијата со наркотици
please wait

No media source currently available

0:00 0:04:32 0:00
Директен линк

Во акцијата на ДЕА и МВР беа запленети 200 килограми марихуана, беа притворени 6 лица, а две компании за производство на марихуана за медицински цели се инволвирани. Случајот отвори прашања на кои се чека одговор од истрагата.

Текстилците бараат пратениците да го откочат 5. сет мерки

Илустрација - Работнички во текстилна индустрија

Здружението „Гласен текстилец“ од Штип денеска испрати отворено писмо до пратениците во Собранието во кое бара од нив под итно да се донесе петтиот пакет на економски мерки. Во писмото се вели дека оваа социо-економска и здравствена криза предизвикана од вирусот Ковид-19, „удри со сета сила по вработените од ниско-профитабилните и трудоинтензивни гранки, по жените, младите, возрасните пред пензија, хронично болните лица, самохраните родители“.

„Се соочија со незаконски откази, не продолжување на договорите за работа, намалена плата, доцнење на плата и по два месеца, губење на права од работен однос, се разболуваа на работно место, но се трудеа да опстојат поради нивните семејства. Голем дел од фирмите особено во текстилната индустрија, немаат се уште исплатено плати за февруари и март 2021 година на работниците и работничките, така што тие се оставени на милост и на немилост. Поради неисплата на плати и лошата состојба на фирмите, работниците при користење на здравствени услуги се принудени да плаќаат на приватно. Свесни сте дека тоа значи изложување на огромни парични издатоци и е сериозен проблем за нормално живеење“, се вели во писмото на „Гласен текстилец“ до пратениците.

Во меѓувреме, Собранието е затрупано со десетици илјади амандмани од речиси сите партии, и тешко дека работата може да се одглави без договор меѓу политичките партии. Опозициската коалиција Алијанса за Албанците/Алтернатива има поднесено околу 30 илјади амандмани, ВМРО-ДПМНЕ скоро 6000, а Левица над 1000 амандмани на различни закони. Поради блокадата Собранието не може да ги донесе антикризните мерки за помош на граѓаните и фирмите погодени од ковид-кризата.

Едно од условувањата на опозицијата е она на Алијанса и Алтернатива,а по врзано со законот за државјанства, за што денеска ретставници на двете партии имаа средба со премиерот Зоран Заев, а по која рекоа дека има напредок.

Од ВМРО-ДПМНЕ, пак, пред шест дена рекоа дека ќе чекаат да видат што ќе се договорат власта и Алтернатива/Алијанса, па потоа ќе одлучат за нивните амандмани. Опозицијата на неколку прес-конференции побара Владата и премиерот Заев јавно да кажат дали поширокото семејство Заеви или нивни соработници се инволвирани во случајот.

Чешка ги олабавува мерките, заврши вонредната состојба

Од денеска, 12 април 2021, повторно е отворена и Зоолошката градина во Прага

По повеќемесечна блокада, Чешка од денеска отвора библиотеки, училишта, зоолошки градини и некои продавници. Шестмесечната вонредна состојба во Чешка, која е една од најпогодените во Европа од ковид-19, истече на полноќ, со што се укинаа полицискиот час и забраните за патување меѓу регионите. Децата во предучилишните установи се враќаат во училиштата до петто одделение и ќе мора да прават брис од нос двапати неделно.

Министерството за здравство пријави 976 нови случаи во неделата, што е најмал дневен број од септември минатата година. Седумдневниот просек падна на под четири илјади, но сепак е висок во споредба со повеќето европски земји. Сепак, забележливо е значително подобрување во споредба со 12.000 дневни случаи во просек во март кога беа воведени најстрогите мерки.

Гаши, Села и Заев оптимисти по средбата за државјанствата

Зоран Заев, Зијадин Села и Африм Гаши

Направен е сериозен исчекор напред по однос на решение за Законот за државјанство, изјави премиерот Зоран Заев, по денешната средба во Собранието со лидерите на албанската опозиција Зијадин Села и Африм Гаши Гаши.

По средбата, која беше свикана за да се најде решавање на проблемот со немањето на државјанство и начините за негово добивање на одреден број граѓани, од чиј исход зависи и од одблокирањето на работата на Собранието. Заев не сакаше да навлегува во детали за договореното, но посочи дека станува збор за 2727 барања за државјанство. Премиерот посочи дека очекува конечен договор до крајот на оваа недела, откако експертите ќе работат на усогласување на деталите.


Заев дополни дека денешниот договор да биде доволна причина, ВМРО-ДПМНЕ и Левица да ги повлечат амандманите за Законот, а коалицијата Алијансата за Албанците и Алтернатива до дозволат носење на петтиот пакет мерки за поддршка на стопанството.

Африм Гаши по средбата изјави дека има напредок во преговорите и дека за неколку дена би можело да се дојде до заеднички решенија. Лидерот на Алијанса за Албаците, Зијадин Села, оцени дека по денешната средба со премиерот Зоран Заев, се надобар пат за да се изнајде решение за проблем стар три децении, односно да се реши статусот на лицата кои живеат без документи во оваа држава.

Претходно, пратеникот на ДУИ, Арбер Адеми, изјави дека „Села манипулира со бројката на Албанци без државјанства“ и рече дека не се 7000 туку под 1300. Лидерот на ВМРО-ДПМНЕ, Христијан Мицкоски, пак пред 6 дена рече дека ќе го чека исходот од средбата Заев-Села-Гаши за да одлучи дали ќе ги повлечат амандманите.

Нови 30 дена притвор за Орце Камчев

Орце Камчев пред суд како сведок за случајот „Рекет“

Скопскиот кривичен суд денеска соопшти дека е продолжен притворот на Орце Камчев, осомничен во случајот Плацеви на Водно, за уште 30 дена. Претходно неговиот адвокат објави дека поднеле барање службената белешка на Агенцијата за национална безбедност (АНБ), поради која е баран првичниот притвор, да се прогласи за незаконит доказ во постапката, а исто така веќе има поднесено барање притворот да му се замени со поблаги мерки на обезбедување на што судот досега не однел одлука.

„Заради интерес на медиумите кои ја следат работата на судот, ја информираме јавноста дека Кривичниот совет при Основниот кривичен суд Скопје, постапувајќи по предлогот на Основното јавно обвинителство за гонење организиран криминал и корупција за продолжување на мерката притвор за Ј.К., донесе решени со кое сеуште постојат околностите од член 165 ст.1 т.1 од ЗКП и го прифати предлогот на обвинителството со што ја породолжи мерката притвор за 30 дена“, соопшти Судот.

Во предметот „Плацеви на Водно“ Орце Камчев е еден од осомничените, додека првоосомничен е поранешниот премиер и лидер на ВМРО-ДПМНЕ, Никола Груевски, кој според наводите на Обвинителството, си купувал плацови со пари од донации за ВМРО-ДПМНЕ, додека неговиот кум осомничениот Ристо Новачевски го прикривал сопствеништвото на земјиштето. Станува збор за средства во висина од над 1,3 милион евра за купување земјиште од 11 илјади квадратни метри.

Камчев е еден од осомничените и во случајот „Империја“. Овој случај кој го отвори поранешното СЈО , станува збор за финансиски криминал односно перење пари преку фирми во земјава и офшор-компании, а се истражуваат неколку кривични дела, како злосторничко здружување, оштетување или повластување доверители, злоупотреба на службената положба и овластување, измама и перење пари. Покрај Камчев, во овој предмет осомничени сè уште 12 лица, меѓу кои и Сашо Мијалков, Цветан Панделески и Ненад Јосифовиќ.

„Џонсон и Џонсон“ почна со достава на ковид вакцини во ЕУ

Илустрација

Компанијата „Џонсон и Џонсон“ започна да ги доставува своите вакцини против ковид-19 во Европската унија (ЕУ), потврди за новинската агенција Ројтерс еден од европските претставници.

Компанијата претходно планираше да започне со испорака на почетокот на април, но испораката беше одложена поради проблеми со производството.

„Џонсон и Џонсон денес започнаа да доставуваат вакцини во ЕУ. Многу добра вест“, рече Питер Лизе, член на парламентот на германската канцеларка Ангела Меркел.

Американската компанија вети дека ќе испорача 55 милиони дози до крајот на јуни и уште 120 милиони дози во третиот квартал, изјави еврокомесарот за индустрија Тиери Бретон.

Организаторите на настани на протест пред Владата, бараат грантови

Протест пред Владата на организаторите на настани - Скопје 12 април 2021

Компаниите од индустријата за организација на настани денеска почнаа со серијата протести пред Владата со барање до извршната власт да најде решение за состојбата на овој сектор, кој, како што рекоа денеска, поради пандемијата и ограничувањата за работа, има пад од 62 проценти. Според најавите, вакци протести ќе одржуваат секој дел се додека не се најде решение.

Од Асоцијација на компании од индустријата за организации на настани ИВАП велат дека тоа што Владата деновиве го претставува како помош, „ниту е помош ниту е планирано да бидат опфатени сите засегнати компании“.


„Според официјалната статистика на Централниот регистар, нашиот сектор има пад на промет од 62 отсто за 2020 година и тоа е можеби највисокиот пад споредено со другите индустрии. Нашите компании се пред колапс“, нагласија од Асоцијацијата ИВАП.

Оттаму најавија дека протестите ќе се одвиваат во континуитет, секој ден од 12 до 15 часот, сé до постигнување, како што велат, взаемно прифатливо и одржливо решение.

Адеми контра Села: 1300 Албанци се без државјанство, а не 7000

Арбер Адеми

Пратеникот од ДУИ, Арбер Адеми, денеска на прес-конферецнија во Собранието ја демантираше Алијанса за Албанците и нејзиниот лидер Зијадин Села во врска со бројот на Албанци кои немаат македонско државјанство, објавувајќи податоци од 1991 до 2021 година.

„Во периодот од 1991 до 2021 година, односно за 30 години од независноста со македонско државјанство се стекнале 43.321 Албанец, а одбиени се 3.374 барања. Во постапка за државјанство се над 2.674 барања, од кои помалку од половина, односно помалку од 1.300 се од Албанци“, изјави Адеми.

Тој пред јавноста вети дека ќе го решат ова прашања, па дури и да се работи само за едно барање. Адеми ја обвини албанската опозиција во Собранието дека манипулира со бројот на лицата кои немаат државјанство за да добие ситни политички поени.

Интервју со лидерот на Алијанса за Албанците, Зијадин Села

Инаку денеска премиерот Зоран Заев одржува средба со лидерите на опозицијаЗијадин Села и Афром Гаши во врска со законот за државјанства и за обидите за одблокирање на Собранието. Лидерот на Алијанса за Албанците Зијадин Села, за Радио Слободна Европа, ги потврди зборовите на премиерот Заев дека со сведоци нема да се добие државјанство, туку со некаков документ со кој ќе се потврди дека лицето живеело во Северна Македонија.

Писонеро: ЕУ не отплаќа долгови преземени од трети страни

Илустрација

Европската унија (ЕУ) има инструменти да ѝ помогне на Црна Гора во инфраструктурни инвестиции, но предупредува дека тоа не значи дека европските институции ќе преземат обврска да ги отплатат долговите што ги презеде земјата. Портпаролката на ЕУ, Ана Писонеро, потврди дека европските институции претставиле „конкретни инструменти“ за поддршка на големите инвестиции во инфраструктурата на Западен Балкан.

Според неа, економскиот и инвестицискиот план ќе помогнат да се користат средства од други јавни и приватни инвеститори, вклучително и Европската инвестициска банка, под многу поволни услови.


„Поддршката на ЕУ за одржливи инвестиции ќе придонесе за целта на Црна Гора да обезбеди одржливост на нејзиниот јавен долг, што е исто така клучно во контекст на нејзиниот процес на пристапување. ЕУ не враќа заеми од трети лица “, потенцира Писонеро, во писмениот одговор што го достави до медиумите.

Наводите на портпаролката на Брисел се поврзани со повиците од Подгорица за помош од Брисел за исплата на долговите што Црна Гора ги презеде од кинеските банки за изградба на автопатот.

НБРМ: Податоците упатуваат на стабилен банкарски систем

Народна банка

Претпазливото управување со ризиците и соодветната регулативна рамка, усогласена со најдобрите меѓународни стандарди, му овозможија на банкарскиот сектор да ја дочека корона-кризата со силна капитална и ликвидносна позиција. Ова било констатирано на состанокот со потпретседателката на Светската банка за Европа и Централна Азија, Ана Бјерде и регионалната директорка на Светската банка за Западен Балкан, Линда ван Гелдер, на којшто учествуваа гувернерката на Народната банка, Анита Ангеловска-Бежоска и вицегувернерите Фадил Бајрами, Емилија Нацевска и Ана Митреска.

На состанокот, како што денеска соопшти Народната банка (НБРМ), одржан во рамките на Пролетните средби на ММФ и Светската банка, Соговорниците истакнале дека отпорноста на банкарскиот сектор се потврдила изминатата година, преку одржување на сите показатели на солидно ниво.

„Истовремено, банкарскиот систем и натаму обезбедува дополнителна кредитна поддршка, придонесувајќи за ублажување на ефектите од пандемијата врз финансиската позиција на населението и билансите на корпоративниот сектор“, потенцираат од Народна банка.


Во разговорот, меѓу другото, било посочено и на параметрите за банкарскиот систем коишто ја отсликуваат неговата капитална и ликвидносна позиција. Притоа било нагласено дека солвентноста и ликвидноста, на почетокот од корона-кризата, биле и подобри од оние на почетокот на големата глобална криза во 2008 и 2009 година.

„Тоа упатува на поголем простор за апсорбирање на потенцијалните ризици, и за непрекинатост на кредитната поддршка од банките во овој период, што е клучно за справување со предизвиците, наметнати од здравствената криза“, нагласуваат од Народна банка.

Одбраната на Камчев обвинува за киднапирање, тортура и незаконити докази

Јордан Орце Камчев во суд како сведок во случајот „Рекет“

Одбраната на Јордан Камчев ќе поведе постапка за незаконитост на докази кои се поднесени од Агенцијата за национална безбендост со кои е изречена мерка притвор, со што ќе барат тој да се брани од слобода. Адвокатот на Камчев, Тони Менкиновски на прес конференција во болницата „Аџибадем Систина“ ја обвини власта за киднапирање и тортура кон неговиот клиент кој речиси еден месец е во притвот во Шутка. Тој посочи дека неговиот клиент бил оставен пет дена без вода за пиење и санитарна вода.

Во излагањето околку доказите, Менкиновски изјави дека доказите прибавени од АНБ а со кои се стравувало за бегство, биле прибивани на незаконски начин, со кршење на слободата и правата, и не може да се користат, и врз нив не може да се заснова судската одлука за притвор на Камчев.

„Она што е симптоматично е како различни институции во Македонија една иста белешка различно ја читаа. Судот ја чита дека постои опасност од бегство во Република Бугарија, додека премиерот ја интерпретира сосема поинаку и тврди дека содржината во таа белешка е сосема друга. Како и да е, процедурата е повредена. АНБ чекала месец дена и во тој месец имала обврка да го извести Бирото за јавна безбедност, и да каже, ако е тоа така, дека постои основано сомнение дека одредено лице ќе се даде во бегство. Тие тоа не го сториле, го информирале јавниот обвинител и повторно го повредиле законот, бидејќи информација за јавен обвенител што тие можат да си го дозволат во делот шпионажа таксативно е наведена во законот за АНБ за кои дела можат да го информираат јавниот обвинител. Тука имаме прескокнување на институции и со тоа имаме класична нелегитимност на доказ употребен во судска постапка“ изјави адвокатот Менкиновски.

Адвокатот на Камчев чека судот да се произнесе, доколку не, тогаш ќе се поведе постапка и пред Европскиот суд за човекови права.

„Бараме овој доказ да биде прогласен како незаконит доказ. Време е во оваа држава да завршат изживувањето со луѓе преку местенки и злоупотреби.„Киднапирањето на Камчев е одлика која треба да заврши со донесување на една законита одлука од страна на Судот. Да не чека македонскиот суд, европскиот суд за човекови права да го прогласи овој доказ како незакони, прибавен на нелегитимен начин. Сега е на ред македонскиот суд и да утврди дали доказот е прибавен на нелигитимен начин“, вели Менкиновски.

По Мијалков и Камчев во Шутка

Случај „Плацеви на Водно“: Приведен кумот на Никола Груевски

Тој посочи дека била дадена гаранција за да се брани Камчев од слобода, и дека е смешно и жалосно што претходно сите мерки биле искористени како што е се обезбедување на двата пасоша и имотот.

Одговарајќи на новинарски прашања, одбраната постави прашање дали Камчев е по втор пат во притвор за ист предмет затоа што „Плацеви на Водно“ е предмет изведен од истрагата „Империја“. Според него, во истрагата Камчев имал активна улога, односно соработувал со властите.

И двата предмета се во истражна постапка и за нив се уште не е покренато обвинение. Во предметот „Плацеви на Водно“ Орце Камчев е еден од осомничените, додека првоосомничен е поранешниот премиер и лидер на ВМРО-ДПМНЕ, Никола Груевски, кој според наводите на Обвинителството, си купувал плацови со пари од донации за ВМРО-ДПМНЕ, додека неговиот кум осомничениот Ристо Новачевски го прикривал сопствеништвото на земјиштето. Станува збор за средства во висина од над 1,3 милион евра за купување земјиште од 11 илјади квадратни метри.

Според истрагата, на првоосомничениот Груевски во перењето на нелегално стекнатите пари му помагале Мијалков и Камчев, кои се второосомничен и четвртоосомничен. Новачевски е третоосомничен.

Груевски во периодот од 2006 до 2012 година, дел од донациите за финансирање на партијата ги примал лично и не ги прикажувал како примени донации во финансиските извештаи на партијата и на тој начин присвоил најмалку 1.300.360 евра или 79.972.140,00 денари. Потоа, во периодот од октомври 2012 до септември 2013 година, тие пари тој ги пуштил во оптек купувајќи градежно земјиште на Водно преку фирма-ќерка на фирма од Белизе. Управител на таа фирма бил кумот Ристо Новачевски.
За останатите двајца осомничени, Ненад Јосифовиќ и Ратка Камчева, судот веќе има изречено превентивни мерки за обезбедување на присуство во други предмети.

Камчев е еден од осомничените и во случајот „Империја“. Овој случај кој го отвори поранешното СЈО , станува збор за финансиски криминал односно перење пари преку фирми во земјава и офшор-компании, а се истражуваат неколку кривични дела, како злосторничко здружување, оштетување или повластување доверители, злоупотреба на службената положба и овластување, измама и перење пари. Покрај Камчев, во овој предмет осомничени сè уште 12 лица, меѓу кои и Сашо Мијалков, Цветан Панделески и Ненад Јосифовиќ.

Филипче: Ќе се ограничи цената за лекување ковид-пациенти во приватни болници

Министерот за здравство, Венко Филипче, на прес-конференција пред СЦ „Борис Трајковски“ во Скопје каде се врши вакцинацијата, 6 април 2021

Министерот за здравство, Венко Филипче, денеска информираше дека денеска ќе пристигнат 2.000 кинески вакцини на аеродромот во Софија, а возило од Македонија веќе е на пат кон Бугарија за да ги донесе вакцините.

„Денеска ќе пристигнат 2.000 кинески вакцини на аеродромот во Софија, а нашето возило е веќе на пат кон Бугарија за да ги донесе тие вакцини. Овие дози ќе бидат додадени на сегашниот систем за вакцинација. Хронично болните ќе се вакцинираат согласно возрасната група, а во секоја возрасна категорија над 50 години е огромна бројката на пациенти со хронични болести. Апелирам да има трпение, системот функционира“, рече Филипче.

Министерот соопшти дека е почната постапка во однос на цените за лекување на ковид-пациенти во приватните болници. Тој посочи дека до Владата е поднесен предлог за измена на Законот за здравствена заштита, со кој се предвидува ограничување на висината на наплата на финансиски средства за пациенти кои се лекуваат од коронавирус.


„Денеска на главниот координатор на кризен штаб се дискутираа повеќе работи. Се донесе одлука да се направи измена во Законот за здравствена заштита со кој на приватните болници ќе се направи ограничување на висината на наплата додека трае кризата, поточно за лекување на коронавирус. Го слушнавме апелот на граѓаните, и веќе утре на Владата ќе го поднесеме предлог-законот за здравствена заштита“, рече Филипче.

Министерот истакна дека досега 25.000 граѓани се вакцинирани против ковид-19, а како што рече, трендот на новозаразени во последните неколку дена опаѓа, а исто така се ослободуваат кревети во болниците, но додаде дека „будно се следи ситуацијата и дека сите треба да бидат одговорни и да ги почитуваат мерките за заштита“.

Почна вакцинирањето на новинарите и медиумските работници

Новинари и медиумски работници се вакцинираат во Спортскиот центар „Борис Трајковски“ во Скопје.

Во спортската сала „Борис Трајковски“ денеска почна вакцинацијата на новинарите и медиумските работници.

Се вакцинираат пријавените на повикот кои ги исполнуваат условите да влезат во првата категорија, односно оние над 40-годишна возраст и оние со хронични заболувања.

Според податоците на медиумските здруженија, во оваа група опфатени се вкупно 631 медиумски работник.

На крајот на минатиот месец вакцинирањето против Ковид-19 започна да се одвива помасовно, откако земјата доби 24,000 дози од вакцината на „Астра Зенека“ со која се вакцинираат граѓани над 60-годишна возраст.

Исто така со 20 илајди дози од руската вакцина „Спутник В“ почна вакцинирањето на полицијата, војската, медиумските работници и други граѓани кои поради нивните професии се повеќе изложени на ризик од коронавирусот.

Властите во текот на месецов очекуваат да пристигнат нови дози вакцини против Ковид-19.

Организаторите на настани најавија протести пред Владата

Илустрација - Влада на Република Северна Македонија.

Компаниите кои се занимаваат со организација на настани најавуваат серија протести поради незадоволство од владините мерки за помош на нивната индустрија, соопшти Асоцијацијата на ивент индустријата.

Оттаму најавуваат дека секој ден од 12 до 15 часот ќе организираат протести до постигнување на заемно прифатливо и одржливо решение, бидејќи како што велат нивниот сектор во 2020 година бил еден од најпогодените од пандемијата со пад на прометот од 62 отсто.

Во соопштението се вели дека овие компании се наоѓаат „пред колапс“, бидејќи повеќе од една година нема јавни настани и оти со оглед на состојбата со пандемијата тие немаат надеж дека ќе можат да работат.

„Исто така јавноста треба да знае дека овие компании добија нула денари помош од државата. И покрај сите наши барања, дописи, молби за помош, Владата остана глува, а ние невидливи во сопствената држава“, велат од Асоцијацијата на ивент индустријата.

Англија ги олеснува рестриктивните мерки

Илустрација

Англија презема уште еден чекор кон олеснување на ограничувањата бидејќи опаѓа бројот на инфекциите од коронавирусот, а мнозинството од возрасните жители добиле барем една доза на вакцина против Ковид-19.

Сите продавници можат повторно да отворат. Луѓето ќе можат да одат на фризер, а членовите од истото семејство од 12 април ќе можат да одат на одмор во Англија во сместување со самостојно угостителство.

Спортските сали, базените, библиотеките и зоолошките градини, исто така можат повторно да отворат. Рестораните и баровите ќе можност да ги служат клиентите, но само на отворено. Британскиот премиер Борис Џонсон планира да прослави со пиво во градина на паб.

Тој го оцени ублажувањето на ограничувањата како „голем чекор напред во нашиот патоказ кон слободата“, но ги повика сите да бидат претпазливи и „да се однесуваат одговорно“.

Фокусот на најновото повторно отворање е сè уште на активности на отворено за да се спречи ширењето на вирусот преку близок контакт во затворени простории.

Иако повеќе од 60 проценти од возрасните граѓани примиле барем една доза на вакцина против коронавирусот, британските здравствени власти предупредуваат дека сепак е можно да има уште еден бран инфекции како во континентална Европа.

Владата планира дополнително олеснување на 17 мај и укинување на сите социјални ограничувања на 21 јуни, во зависност од податоците и инфекциите.

Шкотска, Велс и Северна Ирска поставуваат свои здравствени политики и спроведуваат помалку распространето олеснување на ограничувањата.

Иран: прекинот на струја во нуклеарниот комплекс како нуклеарен тероризам

нуклеарниот комплекс Натанз

Иран го оцени вчерашниот прекин на електричната енергија во нуклеарниот комплекс Натанз како акт на „нуклеарен тероризам“ кој ќе ги зголеми тензиите во регионот. Директорот на иранската организација за атомска енергија, Али Акбар Салехи, никој директно не обвини никого за инцидентот што се случи неколку часа откако беа пуштени центрифугите кои овозможуваат побрзо збогатување на ураниум. „За да ги спречи ваквите терористички акти, Иран ќе продолжи сериозно да ја унапредува нуклеарната технологија. Осудувајќи го овој очаен потег, Иран ја нагласува потребата од борба на меѓународните тела и Агенција за атомска енергија против овој нуклеарен тероризам“, рече Салехи.

Инцидент во иранската нуклеарна централа Натанз

Објавени се малку детали за тоа што навистина се случило во нуклеарниот комплекс Натанц, односно само дека прекинот на електричната енергија е предизвикан од откажување на електричната мрежа што ја снабдува централата. Многу израелски медиуми објавија дека Натанз останал во темница поради хакерски напад шт предизвикал штета во централата со чувствителни центрифуги. Доколку Израел предизвика прекин на електричната енергија во Натанз, тоа дополнително ќе ги зголеми тензиите во односите меѓу двете земји, кои се крајно непријателски расположени. Мистериозна експлозија се случи во Натанз во јули минатата година, која Техеран подоцна ја опиша како акт на саботажа. Израел е осомничен за тој напад.

Први разговори меѓу САД и Иран - во ист град, но не и во иста соба

Во меѓувреме, во Виена течат преговорите меѓу таа земја и другите потписнички на договорот од 2015 година за повторно вклучување на САД во тој пакт и укинување на американските санкции кон Иран. Соединетите држави го напуштија договорот со Иран во 2018 година, за време на поранешниот претседател Доналд Трамп, но новиот шеф на Белата куќа, Џо Бајден, како приоритет го утврди враќањето во рамките на договорот.

Протести во САД по смртта на еден афроамериканец во конфронтација со полицијата

протести во САД

Синоќа избувнаа протести во една населба во Минеаполис, во американската држава Минесота, по смртта на еден млад Афроамериканец, за кого демонстрантите ја обвинуваат полицијата. Во градот во тек е судење за полицаецот обвинет за смртта на афроамериканецот Џорџ Флојд, кој почина во мај минатата година. Смртта на Флојд предизвика повеќемесечни демонстрации и немири низ САД, осудувајќи го расизмот и полициската бруталност. Мајката на Донте Рајт, 20-годишен афроамериканец, убиен вчера, им порача на насобраните на протестот дека нејзиниот син се јавил да ѝ каже дека е однесен од полицијата, пренесуваат медиумите. Набргу потоа, девојката на Рајт се јавила да каже дека е убиен, им рече мајката на Рајт на насобраните.

Во САД почна судењето на полицаецот за убиството на Џорџ Флојд

Бирото за криминалистички работи во Минесота наскоро потврди дека испитува вмешаност на полицаец во пукањето во Минеаполис. Според извештајот на полицијата во Бруклинскиот центар, полицијата запрела еден возач поради сообраќаен прекршок. Потоа сфатиле дека е распишана потерница за него и се обиделе да го уапсат. Тој, сепак, се вратил кон своето возило, а еден полицаец употребил оружје при што лицето починало на самото место, рече изворот. Патничката во возилото е повредена, нејзиниот живот не е загрозен и е пренесена во болница, се наведува во тоа соопштение. После тоа, синоќа, околу 200 луѓе се собраа во Бруклинскиот центар, а полицијата излезе пред нив, опремена да ги растури демонстрациите.

Вчитај повеќе

XS
SM
MD
LG