Достапни линкови

Во Албанија рекордни 257 новозаразени со ковид-19


Рекорден број новозаразени се регистрирани во последното деноноќие во Албанија, кога се направени и најголем број тестови досега во еден ден.
Од 1.398 тестирани, позитивен резултат е добиен кај 257 или околу 19 отсто од тестираните.

„Од крајот на минатиот и овој месец бројот на новодијагностицирани случаи секојдневно се зголемува и во просек дневно се регистраат од 140 до 150 новозаразени. Вчера првпат бројот на новозаразени беше над 200, односно беа регистрирани 203 новозаразени од тестирани 1.351 случај“, информираше Министерството за здравтсво и социјална заштита.

Според Министертвото, во изминатите 24 часа починале пет лица во болнички услови, додека оздравеле 102 лица.

Досега во Албанија се направени 103.402 тестови, позитивни биле 16.212, оздравеле 9.864, а починале 439 лица.

XS
SM
MD
LG