Достапни линкови

Претседателски избори во Таџикистан


Гласање на претседателските избори во Таџикистан

Во Таџикистан денеска се одржуваат претседателските избори кои се очекува да резултираат со продолжување на владеењето на авторитарниот претседател Емомали Рамон во сиромашната централноазиска држава за уште седум години.

Централната изборна комисија објави дека повеќе од 70 проценти од избирачите со право на глас учествувале на изборите до средината на денот. Повеќе од 50 отсто гласови се потребни за да бидат успешни изборите.

Рамон кој е на власт од 1992 година победи на четири последователни претседателски избори, а оценката на западните набудувачи секогаш беше дека гласањето не било слободно или фер и тој е единствениот постсоветски автократ кој е на власт подолго од белорускиот лидер Александар Лукашенко.

68-годишниот Рахмон се натпреварува против четворица малку познати кандидати кои претставуваат провладини партии во парламентот. Рахмон гласаше утрината во Душанбе и одби да зборува со новинарите.

XS
SM
MD
LG