Достапни линкови

Кривoкапиќ предложен за мандатар на Владата во Црна Гора


Архивска фотографија- Здравко Кривокапиќ носител на листата „За иднината на Црна Гора“

Носителот на една од трите победнички листи во Црна Гора, Здравко Кривокапиќ, на својот профил на социјалната мрежа Твитер објави дека по консултациите претседателот Мило Ѓукановиќ го предложил него за мандатар за состав на новата црногорска влада.

„По консултациите, денеска бев предложен од претседателот на Црна Гора како мандатар за состав на новата Влада на Црна Гора. Предлогот ќе биде официјално испратен денеска до претседателот на Парламентот на Црна Гора”, напиша Кривокапиќ.

Кривокапиќ наведе дека новата влада ќе биде формирана најдоцна до 8 ноември. Тој беше носител на листата „За иднината на Црна Гора“ и заедно со другите опозициски коалиции освоија 41 место, додека досегашното владејачко мнозинство има 40 места во новиот состав на црногорскиот Парламент. Изборите се одржаа на 14-та септември.

XS
SM
MD
LG