Достапни линкови

Продолжува ветингот во МВР


Оливер Спасовски

Во Министерството за внатрешни работи (МВР) продолжува процесот на „ветинг”, заедно со сите други проекти за јакнење на професионализмот, информираше денеска министерот за внатрешни работи Оливер Спасовски.

Министерот информираше дека до сега е спроведен дел од ветингот што се однесуваше на Агенцијата за национална безбедност на поранешните вработени во УБК и врз основа на тој ветинг, како што рече, е утврдена листа, што е доставена до Владата, на оние лица кои треба да заминат од МВР.

„Тие податоци ги имаме и може да ги добиете како бројка, точно колку се и кои треба да преминат итн… додека вториот дел од процесот што се однесуваше за МВР, а жалам што застана за време на техничката Владата, сега го продолжуваме заедно со сите проекти што ќе значат јакнење на профеисонализмот“, изјави денеска министерот Спасовски, кој во Полицискиот центар „Ѓорче Петров”, прими донација од Американската амбасада за МВР во вредност од 460 илјади американски долари.

XS
SM
MD
LG