Достапни линкови

Шпанија заплени 35 тони хашиш на море, уапси Бугари и Русин


Илустрација: Хашиш

Шпанските власти денеска соопштија дека заплениле 35 тони хашиш кој бил криумчарен со луксузни едрилици, при што биле уапсени девет бугарски и еден руски државјанин.

Министерството за финансии соопшти дека агентите нашле 30 тони хашиш во четири едрилици кои ѝ припаѓаат на шверцерската група и оти тоа е најголема заплена на хашиш на отворено море, а уште 5 тони биле најдени на други места. Биле запленети шест едрилици вредни околу 5 милиони евра.

Во истрагата соработувале и Европол, Меѓународниот центар за поморски анализи и операции и властите на Велика Британија, Холандија, Бугарија, Грција и Италија.

XS
SM
MD
LG