Достапни линкови

Гугл и Твитер засилено против лажните вести за изборите во САД


Илустрација - Изборни налепници во САД, ноември 2018 година.

Компаниите Гугл и Твитер, пред американските ноемвриски претседателски избори, најавија дека ќе направат дополнителни напори да спречат ширење дезинформации. Тоа особено ќе се однесува на објавувањето на изборната победа пред да се добие официјална потврда на резултатите од изборите.

Твитер соопшти дека поагресивно ќе ги обележи или отстрани неточните најави поврзани со изборите, додека Гугл ќе отстрани невистинити информации за резултатите од пребарувањето.

Експертите сметаат дека еден од факторите што може да поттикне дезинформации за изборите е фактот дека, поради пандемијата на коронавирусите, многу гласачи ќе гласаат по пошта, што ќе доведе до одложување на пристигнувањето на резултатите од изборите.

Вчера американскиот технолошки гигант „Мајкрософт“ соопшти дека хакери поврзани со Русија, Иран и Кина се насочени кон луѓе и организации поврзани со американскиот претседател Доналд Трамп и со неговиот конкурент на претседателските избори, демократскиот кандидат Џо Бајден.

XS
SM
MD
LG