Достапни линкови

Во Чешка од денеска маски за лице во затворен простор


Чешкиот премиер Андреј Бабиш

Чешката влада нареди од денеска носење маски за лице на затворено низ целата земја, објави на министерот за здравство Адам Војтех, откако во вторникот бројот на инфекциите се зголеми на рекордни 1.164 лица. „Се согласивме со експертите дека ќе воведеме обврска да носиме маска за лице во зградите во цела Чешка”, рече тој. Додека Чешка беше меѓу првите европски земји што прифати носење маски во почетокот на пандемијата во март, од тогаш во голема мера правилата се олабавени.

Во Чешка најголем дневен пораст на инфекции со коронавирус - 1.164 случаи

Главниот град Прага веќе ги заостри мерките по зголемениот број на случаи, со што задолжителното носење маски беше воведено во јавниот превоз и им нареди на сите локали да се затворат до полноќ. Дневниот биланс на нови случаи во целата земја со 10,7 милиони жители надмина над 500 овој месец, далеку над дневниот врв од 377 во март за време на првиот бран на инфекции. Чешкиот скок на инфекции со КОВИД-19 во последните две недели е меѓу најбрзите во Европа, а надминува само Шпанија, Франција, Малта, Романија и Хрватска, соопшти Европскиот центар за превенција и контрола на болести.

12 чешки полицајци на границата со Грција се корона позитивни

Чешкото темпо од 61,4 случаи на 100.000 луѓе е приближно три пати поголемо од германското. Сепак, бројот на починати остана помал отколку во многу други европски земји, при што до средата се пријавени 441 смртен случај од вкупно 29.877 заразени.

XS
SM
MD
LG