Достапни линкови

Вести

Пентагон најави повлекување на војници од Ирак

Зградата на Пентагон, САД

Американската армија денеска соопшти дека ќе го намали бројот на војници во Ирак за околу 40 проценти до крајот на месецов. Се очекува да бидат повлечени околу 5 илјади американски војници оттаму. Присуството на американската војска во Ирак имаше за цел борба против милитантната група Исламска држава.

Официјалните претставници на маринците велат дека ирачките воени сили се подготвени да се справат со таа борба, но и дека и натаму ќе работат со нив на проширување на нивните безбедносни капацитети. Американскиот претседател Доналд Трамп на последната средба со ирачкиот премиер Мустафа ал Кадими изјави дека сака да направи добар план на повлекува на војската.

Во меѓувреме постојат зголемени тензии меѓу Вашингтон и Багдад откако во јануари при воздушен напад на коалицијата предводена од САД на аеродром во Багдад загина командант на ирачките сили Ќасем Солејмани и водач на ирачката полиција Абду Махмади ал Мухандис. Пентагон тогаш соопшти дека претседателот Доналд Трамп го одобрил нападот и оти имал за цел да ги одврати идните ирачки агресивни планови.

Трамп: Солејмани беше закана за САД

По тој инцидент, ирачкиот парламент поддржа необврзувачка резолуција со која се бара заминување на меѓународните трупи од земјата.

види ги сите денешни вести

Прага бара од сојузниците „солидарни протерувања“ во спорот со Русија

Министерот за надворешни работи на Чешка Јан Хамачек

Чешка ги повика колегите членки на Европската унија и НАТО на „солидарна“ акција за поддршка, во услови на дипломатски препукувања меѓу Прага и Москва во врска со тврдењата на Чешка дека руски воени агенти стојат зад смртоносната експлозија во чешкото складиште за оружје во 2014 година.

Американскиот амбасадор во Москва се враќа на консултации во Вашингтон поради зголемените тензии

„Повикуваме на колективна акција од земјите на ЕУ и НАТО насочени кон солидарно протерување“, рече чешкиот министер за надворешни работи Јан Хамачек денеска, откако претходно 18 руски дипломати идентификувани од чешките разузнавачи како разузнавачки оперативци ги напуштија своите места во Прага.

По ова и 20 Чеси вработените во амбасадата во Москва исто така беа принудени да заминат.

Шефовите на дипломатиите на ЕУ за вмешаноста на Русија во експлозиите во Чешка

Хамачек пред новинарите изјави дека го повикал рускиот амбасадор Александар Змејевски да протестира против она што Прага го смета за непропорционален одговор. „Логично е доколку Чешка преземе понатамошни активности, рускиот амбасадор мора да биде првиот што ќе го слушне тоа“, рече министерот.

Кремаљ ги отфрли „неоснованите обвинувања“ на Прага и ги нарече чешките потези „неразумни и штетни за билатералните односи“.

За шестиот пакет издвоени 17,8 милиони евра, за ВМРО-ДПМНЕ мерката е задоцнета

Вицепремиерот Фатмир Битиќи

Шесттиот пакет мерки, вреден 17,8 милиони евра, содржи таргетирана финансиска помош за околу 10.000 компании и околу 60 илјади вработени.

Опфатени се 12 категории на дејности меѓу кои угостителските објекти кои не работат поради рестриктивните мерки во изминатите 14 дена, потоа ноќните клубови, рестораните за свадби, евент индустријата, фитнес центрите, фотостудијата и приватните детски одмаралишта. Мерки има и за туристичките агенции.

На угостителските објекти ќе им бидат покриени 30 проценти од приходите. Дополнително ќе добијат по 15.200 денари финансиска поддршка за секое вработено лице за што ќе бидат одвоени 9,9 милиони евра со која ќе бидат опфатени 6.000 угостителски објекти со околу 17 илјади вработени.

Со околу 2,5 милиони евра ќе бидат поддржани приватните детски одмаралишта, ноќните клубови, игротеките, рестораните за свабди, евент индустријата, фитнес центрите и фотостудијата.

Mинистерот за финансии Фатмир Бесими на денешната заедничка прес-конференција во Владата на која беа презентирани мерките од шестиот пакет антикризни мерки кажа дека важно е што последните пакети кои ги донесе Владата покрај кризната поддршка, имаат и развоен карактер.

" Oвие мерки ќе придонесат во реализирањето на целта на шестиот пакет на мерки, а тоа е поттикнување на ликвидноста на стопанството, поддршка на компаниите кои ќе инвестираат годинава и ќе делуваат на забрзување на економскиот раст, како и во насока на поддршка на дејностите кои беа целосно затворени во третиот бран на кризата, рече Бесими.

Од денеска аплицирање за финансиска поддршка за плати од петтиот пакет мерки

За ВМРО ДПМНЕ ,пак, шестиот пакет мерки е задоцнет. Од таму посочуваат дека мерките нема да ги покријат загубите на најкритичните стопански дејности затоа што не одговараат на моменталната економска состојба во државата

"Скандалозно е носењето мерки дури по цел месец рестрикции, откако беше воведен полицискиот час, со кој се ограничи движењето на населението во вечерните часови, токму во времето кога погодените економски сектори го остваруваат приходот", се наведува во соопштението на опозициската партија.

Нови 31 починати и 766 заболени од ковид-19

Инфективна клиника, ковид 19 амбуланта

Во последните 24 часа се направени 3171 тестирања, а регистрирани се 766 нови случаи на ковид-19, од кои најмногу во Скопје – 252, по што следат Битола со 80 новозаразени , Куманово – 64, и Прилеп со 41 заболени.

Министерството за здравство објави дека пријавени се вкупно 31 починато лице, од кои најмладиот е на возраст од 48 години, а највозрасниот на 84 години.

Регистрирани се 1118 оздравени пациенти.

Вкупната бројка на ковид-дијагностицирани лица во земјава од почетокот на епидемијата изнесува 147995, бројката на оздравени пациенти е 124828, на починати е 4509, а бројот на активни случаи изнесува 18658.

Од денеска аплицирање за финансиска поддршка за плати од петтиот пакет мерки

Илустрација. Пари, денари, просечна плата во Македонија.

Фирмите и самостојните вршители на дејност од денеска ќе можат да аплицираат за финансиска поддршка за исплата на плати за месеците февруари и март.

Денеска ќе бидат објавени правилниците, согласно кои работодавачите и самостојните вршители на дејност ќе можат да достават барање до Управата за јавни приходи.

За мерката се издвоени 31 милиони евра, а барањата ќе може да ги достават до 30 април. Ова го соопштија на заедничка прес-конференција министерот за финансии Фатмир Бесими и директорката на Управата за јавни приходи Сања Лукаревска, на која и најавија дека денеска на Влада ќе се разгледува и Шестиот сет на мерки, за што набрзо ќе информираат на посебна прес-конференција.

Mерките ќе имаат позитивни ефекти, но економијата бавно ќе заздравува

За оваа антикризна мерка се издвоени 1,9 милијарди денари од буџетот, односно 31 милиони евра, а со неа ќе се опфатат околу 60 илјади работници. За секој работник ќе биде исплатена поддршка од 14.500 денари до 21.776 денари по месец. Висината на поддршката ќе биде утврдена во зависност од процентот на намалување на приходите на фирмите во последните три месеци пред месецот за кој се поднесува барање, во однос на истиот период претходната година.

Во месецот за кој се бара финансиска поддршка, работодавачот треба да има ист или поголем број вработени споредбено со месец декември 2020 година со исклучок на одјавените работници по оправдани основи согласно законот.

Радев му го врачи мандатот на Даниел Митов од ГЕРБ

Бугарскиот претседател, Румен Радев на поранешниот министер за надворешни работи, Даниел Митов, му го врачи мандатот за формирање нова бугарска Влада.

Бугарскиот претседател, Румен Радев, соопшти дека според Уставот на Република Бугарија на партијата ГЕРБ, поточно на поранешниот министер за надворешни работи, Даниел Митов, му го врачи мандатот за формирање нова бугарска Влада.

Радев најави дека очекува ГЕРБ да предложи состав на Советот на министри во рок од седум дена, со што ќе ги исполни очекувањата на јавноста за правда и економски раст во земјата.

Радев се консултира со партиите за нова бугарска Влада

Врачувањето на мандатот на Митов за формирање на новата бугарска Влада се случи само еден ден по завршувањето на политичките консултации со шесте парламентарни формации кај претседателот Радев.

Шефот на државата ги истакна комплексните безбедносни услови, пандемијата, економската и социјалната криза што бараат јасна одговорност и оперативно управување. За ова, според Радев, „потребни се оперативни и одговорни активности за формирање кабинет“.

Сè уште не е јасно дали ГЕРБ ќе обезбеди парламентарно мнозинство во 45-то Бугарско национално собрание и дали може брзо да го врати мандатот, како што шпекулираат медиумите во Бугарија. Според медиумските шпекулации, сосема е извесна можноста Бугарија да добие малцинска влада или да оди на предвремени парламентарни избори во Бугарија уште ова лето.

Русија прогласи двајца бугарски дипломати за персона нон грата

Амбасадата на Бугарија во Москва.

Амбасадорот на Република Бугарија во Москва, Атанас Крастин, е повикан во Министерството за надворешни работи на Руската Федерација, каде му е соопштено дека двајца дипломати од бугарската Амбасада се прогласени за персона нон грата, соопшти бугарското Министерство за надворешни работи.

Причина за ваквата постапка на руските власти е прогласувањето на двајца дипломати од руската Амбасада во Софија за персона нон грата за дејствијата што се некомпатибилни со Виенската конвенција.

Бугарското Министерство за надворешни работи ги прогласи двајцата руски дипломати за „персона нон грата“ на 22 март, поради тоа што спроведувале активности „некомпатибилни“ со нивниот дипломатски статус.

Руската амбасада тогаш ја нарече оваа одлука „неоснована“ и соопшти дека Москва го задржува правото да возврати.

Бугарија има блиски културни, историски и економски врски со Русија, која е главен енергетски партнер на земјата, но односите меѓу двете земји се погодени од неколку шпионски скандали во изминатите години.

На 19 март, бугарските власти објавија дека разбиле шпионска група која ѝ оддавала воени тајни на Русија. Обвинителите соопштија дека шест лица, вклучително и поранешни и сегашни воени разузнавачи, биле приведени и обвинети за оддавање класифицирани информации за Бугарија, НАТО и ЕУ на руската амбасада во Софија.

Воениот окружен суд во Софија одреди притвор за петмина од нив, додека шестиот е пуштен да се брани од слобода, објави новинската агенција БТА. Од октомври 2019 година, Бугарија, која е членка на НАТО и ЕУ, протера петмина дипломати и вработени во руската амбасада обвинети за спроведување разузнавачки активности.

Американскиот амбасадор во Москва се враќа на консултации во Вашингтон поради зголемените тензии

ВМРО-ДПМНЕ поднесе кривични пријави против Џафери и двајцата пратеници со ковид-19 кои дојдоа во Парламентот

ВМРО-ДПМНЕ лого

Пратеничката група на ВМРО-ДПМНЕ и коалицијата денеска во Основното јавно обвинителство поднесе кривична пријава против претседателот на Собранието Талат Џафери и двајца пратеници заразени со ковид-19 кои дојдоа на гласање во Собранието.

Опозициската партија смета дека со тоа е прекршен Кривичниот законик во делот за непостапување по здравствени прописи во време на пандемија.

Собранието ги донесе антикризните мерки, гласаа и пратеници во скафандери

Претходно и Левица и нејзините пратеници Димитар Апасиев и Борислав Крмов поднесоа кривична пријава против пратениците Бисера Костадинова-Стојчевска од Битола и Мирослав Богдановски од Скопје, како и против претседателот на Собранието Талат Џафери.

За СДСМ, пак, кривичните пријави поднесени од ВМРО-ДПМНЕ и од Левица се неосновани и претставуваат "доказ дека овие партии не можат да се помират со фактот што Собранието конечно ги изгласа законите со кои помошта, по два месеци блокади и опструкции, деновиве конечно пристигнува кај работниците".

"ВМРО-ДПМНЕ и нивните соработници Левица не можат да се помират ниту со тоа што се донесени важни закони на 32 седница за кои тие не гласаат а се однесуваат на националната стратегија за спречување корупција, за набавка на вакцини, за заштита на животната средина", се наведува во соопштението на СДСМ.

Пратениците заболени од коронавирус со скафандери и заштитна опрема пред неколку дена дојдоа во Собранието за да овозможат кворум за работа.

Угостителите на протест пред Министерството за финансии

Празна кафеана во Скопје

Угостителите денеска протестираа пред Министерството за финансии, незадоволни од финансиската поддршка на нивниот сектор во време на пандемија.

Тие бараат помош во вид на грантови од 5 до 15 илјади евра, а за рестораните за свадби кои се затворени повеќе од една година грантови од 50 илјади евра.

Туристичките работници пак бараат рокот на ваучерите кои не се искористија лани да биде продолжен до крајот на 2022 година. Финансиска помош побараа и туристичките водичи и претставниците на игротеки.

Владата најави дека ќе разгледува шести пакет мерки за помош на стопанството во кои ќе се предвиди помош и за угостителско туристичкиот сектор.

Бајден - За договор меѓу Косово и Србија се потребни компромиси

Претседателот на Соединетите Американски Држави, Џо Бајден

Претседателот на Соединетите Американски Држави, Џо Бајден ѝ порача на косовската претседателка Вјоса Османи дека го поддржува продолжувањето на дијалогот меѓу Косово и Србија, што треба да се финализира со меѓусебно признавање на двете држави, но смета дека во тој процес се потребни компромиси.

Во писмото до Османи, што нејзиниот кабинет го дистрибуира денеска до приштинските медиуми, Бајден вели дека САД ќе ги поддржат напорите за постигнување траен мир меѓу двете држави.

„САД ќе продолжат да ги поддржуваат напорите за постигнување траен мир преку продуктивен дијалог меѓу Косово и Србија и конечен сеопфатен договор за нормализација, што веруваме дека ќе се финализира со меѓусебно признавање“, пишува Бајден.

Според американскиот претседател, нормализацијата на односите со Србија е од суштинско значење за Косово „за да го реализира својот потенцијал за интеграција во евроатлантските структури“.

„Знам дека за да се постигне тоа се потребни флексибилност и тешки компромиси и на тој пат Соединетите Држави ќе бидат ваш партнер во секој чекор“, порача Бајден.

Филипче - Со стратешкиот договор со „Торлак“ обезбедуваме сигурен извор на вакцини во иднина

Венко Филипче

Многу е веројатно дека вакцината против КОВИД-19 ќе стане сезонска, а имајќи го предвид досегашното искуство и проблемите, во периодот што следи, српскиот Институт за вирусологија, вакцини и серуми „Торлак“, ќе биде наш стратешки партнер за набавка на вакцини, најави министерот за здравство Венко Филипче на заедничка прес-конференција со српскиот колега Златибор Лончар.

На прашање од МИА, за какво стратешко партнерство станува збор, Филипче појасни, дека било разговарано за капацитетите кои ги има институтот „Торлак“ за производство на месечно ниво, откако ќе започне со производство, како и за проценките за потребите на Србија и земјите од соседството.

„Сметам дека производствениот капацитет ќе биде сосема доволен, за првиот следен момент кога ќе бидат потребни вакцини, да ги обезбедиме од институтот „Торлак“. На тој начин, согласно тоа како ќе се одвива пандемијата и препораките за вакцинација и дали евентуално ќе треба и трета доза или можеби оваа вакцина ќе стане сезонска, да обезбедиме еден стабилен и сигурен извор од каде можеме да добиеме вакцина“, изјави Филипче.

Во однос на тоа дали ваквиот стратешки договор, ќе ги наруши односите со другите производители, Филипче рече дека во овој момент веќе имаме нарачано доволна количина вакцини од повеќе производители, кои се доволни за да се постигне саканиот процент на имунизација на населението.

„Тоа значи дека за секој следен чекор или секоја следна набавка, која треба да ја направиме, прво место на кое ќе се обратиме, а согласно капацитетите за производство, нашите потреби целосно ќе бидат задоволени, ќе биде институтот „Торлак“, рече Филипче.

Српскиот министер за здравство Лончар информира дека во Србија досега против ковид-19 се вакцинирале нешто под 15 илјади македонски државјани.

„Најмалку што можеме да направиме за македонските граѓани кои се вакцинираа против КОВИД-19 во Србија е да ја добијат втората доза тука и во најлош случај да бидат ревакцинирани на местото каде што се вакцинирале. Тоа е наш принцип, но секогаш можеме да се договориме да ги отстапиме вакцините за ревакцинација и втората доза да ја добијат во нивната земја ако им е полесно“, порача Лончар.

Грција се отвора на 14 мај – вакцина, ПЦР-тест или прележаност за влез во земјата

Илустрација: Плажа во Грција

Отвораме на 14 мај и ова треба да биде јасно. На 14 мај отвораме, порача министерот за туризам на Грција Харис Теохарис од Парламентот, одговарајќи на пратеничко прашање на претседателката и пратеничката група на Движење на промена за туризмот.

Теохарис објасни дека владиниот план за туризмот веќе почна да се спроведува, а првиот чекор беше направен вчера со отворање за државјаните на ЕУ и пет други земји и истакна дека ќе продолжат со мали отворања се до 14 мај, кога ќе може да се отвори туризмот и за Европската унија и „за други 15 трети земји, кои се најсуштински и важни“.

За копнените граници рече дека отворањето започна постепено со дозволен влез во Грција преку Бугарија и од уште еден премин, а не само од Промахонас (Кулата) како што беше досега, истакнувајќи дека ќе отворат сите гранични премини.

Тој објасни дека постојат пет точки и предуслови за безбедно отворање, а првиот е негативен тест или потврда за вакцинација за еден турист да влезе во Грција и истакна дека за ова „не постои алтернатива“.

„Ова е предуслов за сите земји. Не може некој да дојде ако не е вакциниран, ако не покаже дека оздравел или ако нема негативен тест за да влезе. Ова важи за сите“, истакна Теохарис и додаде дека по случаен избор, на посетителите ќе им се вршат брзи тестови, па дури и на оние кои што се вакцинирани, што всушност е и втората безбедносна точка.

Третата е карантинот, односно изолацијата во хотелите-карантин на оние кои ќе бидат позитивни и тоа заедно со нивните семејства.

Теохарис објасни дека е веќе одлучено и ќе се спроведе вакцинација на вработените во туризмот како приоритетна група, но само откако ќе заврши процесот на имунизација на најранливите категории.

Во Албанија за едно деноноќие пристигнаа над 266 илјади вакцини

Вакцинација во Албанија

Во Албанија за едно деноноќие пристигнаа 266.190 дози вакцини, со што вкупната бројка на добиени вакцини се искачи на над 703 илјади дози.
„Првата пратка од 50 илјади, која беше донација од Индија, пристигна во неделата вечерта, вчера попладне пристигнаа уште 208 илјади од „Синовак“, со што се заокружува договорот постигнат со оваа компанија. Доцна синоќа пристигна пратка од 8.190 дози од „Фајзер“. Досега вкупно имаме добиено 703.550 дози“, објави на Фејсбук министерката за здравство Огерта Манастирлиу.

Таа додава дека тоа значи продолжување со несмалена динамика на процесот за масовна вакцинација на населението кое според стратешкиот план треба да се заокружи до следната пролет.

„Досега се имунизирани се 345.934 лица и ќе продолжиме сè додека не се вакцинира секој граѓанин. Вакцинацијата на целата популација планираме да заврши до следната пролет“, наведува таа.

Исто така информира дека Австрија од мај до август ќе испорача 651.000 дози од вакцината на „Фајзер/Бионтек“ на шест земји од Западен Балкан од кои 145 илјади ќе бидат за Албанија.

Лекарите кои сакаат да го прегледаат Навални повторно не биле примени во затворот

Лекарката Анастасија Васиљева чека да биде пуштена во затворот да го прегледа Навални

Тимот лекари кои сакаат да го прегледаат затворениот руски опозициски лидер Алексеј Навални биле одбиени од затворот, каде што тој добива лекарска помош поради влошување на здравјето. Навални веќе три недели штрајкува со глад.

Личната докторка на Навални, Анастасија Васиљева и шефот на Алијансата на лекарски синдикати, денеска соопштија дека група лекари дошле до затворот и побарале да го видат Навални, но безуспешно чекале неколку часа.

„Ни беше кажано да дојдеме во 8 изутрина со пасоши, но не нè пуштија“, напиша Васиљева на Твитер.

Здравјето на гласниот критичар на рускиот претседател Владимир Путин драматично се влошува во последните денови и тој може да добие срцев удар во секој момент, вели Васиљева и тројца други доктори, меѓу кои и кардиолог, во писмото до Руската федерална затворска служба од минатата недела во која бараа пристап до Навални.

Опозиционерот беше префрлен во болница во друг затвор за време на викендов, а затворските власти рекоа дека неговата здравствена состојба е задоволителна.

Навални почна штрајк со глад на 31 март во знак на протест против недостигот на третман за неговите заболувања на грбот и нозете. Неговата сопруга информира дека тој ослабнал 17 килограми.

Адвокатот на Навални, кому му било дозволено да го види клиентот неколку минути, рече дека тој изгледа лошо.

Западните лидери изразија загриженост за здравствената состојба на Навални.

Во меѓувреме руските власти апсат поддржувачи на Навални ширум земјата.

Бугарскиот амбасадор во Москва повикан во руското МНР по шпионскиот скандал

Поглед на Софија

Бугарскиот амбасадор во Москва е повикан во руското Министерството за надворешни работи, еден месец откако Софија протера двајца руски дипломати во последниот од низата шпионски скандали поврзани со Русија.

Бугарското Министерство за надворешни работи ги прогласи двајцата руски дипломати за „персона нон грата“ на 22 март, поради тоа што спроведувале активности „некомпатибилни“ со нивниот дипломатски статус.

Руската амбасада тогаш ги нарече овие одлука „неосновани“ и соопшти дека Москва го задржува правото да возврати.

Бугарија има блиски културни, историски и економски врски со Русија, која е главен енергетски партнер на земјата, но односите меѓу двете земји се погодени од неколку шпионски скандали во изминатите години.

На 19 март, бугарските власти објавија дека разбиле шпионска група која ѝ оддавала воени тајни на Русија. Обвинителите соопштија дека шест лица, вклучително и поранешни и сегашни воени разузнавачи, биле приведени и обвинети за оддавање класифицирани информации за Бугарија, НАТО и ЕУ на руската амбасада во Софија.

Воениот окружен суд во Софија одреди притвор за петмина од нив, додека шестиот е пуштен да се брани од слобода, објави новинската агенција БТА.
Од октомври 2019 година, Бугарија, која е членка на НАТО и ЕУ, протера петмина дипломати и вработени во руската амбасада обвинети за спроведување разузнавачки активности.

Левица поднесе кривични пријави против Џафери и двајцата пратеници со ковид-19 кои дојдоа во Собранието

Бисера Костадиновска Стојчевска, пратеничка од СДСМ ќе оди во Собрание да гласа, во скафандер затоа што е позитивна на ковид-19

Политичката партија Левица и нејзините пратеници Димитар Апасиев и Борислав Крмов денеска поднесоа пријава до Државниот санитарен и здравствен инспекторат – со известување за прекршување на мерката строга изолација (карантин), како и кривична пријава до Основното јавно обвинителство – Скопје против пратениците Бисера Костадинова-Стојчевска од Битола и Мирослав Богдановски од Скопје, како и против претседателот на Собранието Талат Џафери.

Пријавите се однесуваат на тоа дека тројцата со умисла и по претходна меѓусебна координација, сториле кривично дело „Непостапување според здравствените прописи за време на епидемија“, како и обид за „Пренесување на заразна болест“ врз останатите пратеници, со елементи на тешки дела против здравјето на луѓето.

Пратениците заболени од коронавирус со скафандери и заштитна опрема дојдоа во Собранието за да овозможат кворум за работа.

Косово се надева на признавање од Грција

Илустрација: Приштина

Министерката за надворешни работи и дијаспора на Косово, Доника Грвала примила покана од Грција официјално да ја посети таа земја, потврдија за Радио Слободна Европа (РСЕ) од Министерството во Приштина.

Изворите на РСЕ велат дека Грвала со задоволство ќе одговори на поканата, но засега не можат да кажат кога посетата во Атина ќе се реализира.
Грција е една од петте земји членки на Европската унија кои сè уште не го признале Косово, меѓутоа таа држава има своја Канцеларија за врски во Приштина. Покрај Грција, косовската независност сè уште не ја признале ниту членките на ЕУ Словачка, Кипар, Романија и Шпанија.

Поканата до Грвала да ја посети Атина е упатена преку шефицата на грчката Канцеларија во Косово, Крисула Алифери, на средбата што на 15 април ја имала со косовскиот премиер Албин Курти.

На средбата Курти побарал од Алифери Грција да се приклучи на државите кои ја признале независноста на Косово, но според ставот на официјална Атина, објавен на веб-страницата на Канцеларијата за врски во Приштина, прашањето на признавање зависи од резултатот на дијалогот меѓу Косово и Србија.

Од косовското МНР велат дека официјална Приштина и Атина веќе имаат добри билатерални односи и додаваат дека „Косово е мошне заинтересирано за продлабочување на меѓуинституционалната соработка со Грција“.

„Косово е посветено на јакнењето на оваа соработка во иднина, а со цел тоа да резултира со признавање од Грција, како значајна земја за нас во ЕУ и во регионот, велат од Министерството, додавајќи дека „Косово е оптимистичко по тоа прашање, имајќи го предвид зацврстувањето на односите меѓу двете земји.

Независноста на Косово досега ја признале 117 земји, а последното признавање стаса од Израел на почетокот на февруари годинава.

Воспоставувањето дипломатски односи на Косово и Израел се случи по одлуката за признавање која е утврдена со Вашингтонскиот договор за нормализација на економските односи меѓу Приштина и Белград, потпишан на 4 септември 2020 година во Белата куќа со посредство на тогашниот претседател на САД, Доналд Трамп.

Американскиот амбасадор во Москва се враќа на консултации во Вашингтон поради зголемените тензии

Американскиот амбасадор во Москва Џон Саливан

Американскиот амбасадор во Москва Џон Саливан рече дека оваа недела ќе се врати во САД на консултации во време на зголемени тензии меѓу Москва и Вашингтон.

Односите меѓу Русија и САД влегоа во нова фаза на зголемените тензии, кога американскиот претседател Џо Бајден воведе нови санкции поради компјутерски напади, мешање во изборите и заканите против американските војници во Авганистан.

Понатамошното влошување на односите има и околу здравствената состојба на затворениот руски опозиционер Алексеј Навални, натрупувањето руски војници долж границата со Украина и во Крим и новите обвинувања за руска вмешаност во експлозијата во магазин за муниција во Чешка во 2014 година.

„Верувам дека е важно за мене да зборувам директно со моите нови колеги во администрацијата на Бајден во Вашингтон за моменталната состојба на билатералните односи меѓу САД и Русија“, рекол Саливан, пренесе денеска портпаролката на амбасадата Ребека Рос.

Тој најави дека ќе се врати во Москва во наредните недели пред каква било средба меѓу претседателите Џо Бајден и Владимир Путин.

Албанија од денеска воведува двонеделен карантин за сите од Северна Македонија и Грција

Албанија од денеска воведува двонеделен карантин за сите кои влегуваат на нејзина територија од Северна Македонија и од Грција. Одлука за тоа вчера донесе Комитетот на експерти за справување со пандемијата и истата ќе биде во сила до трети мај. „Во Северна Македонија и Грција е зголемен бројот на случаи, но и бројот на изгубени животи, а тоа може да се види на презентираните графикони. Предизвик на нашиот комитет е да ги подобри индикаторите“, рече Мира Ракацоли, претседателка на комитетот и заменик министерка за здравство.

Индија и донираше вакцини од „АстраЗенека“ на Албанија

Таа додаде дека велигденските празници во Албанија ќе донесат многу лица и емигранти од други земји, а имајќи предвид дека во минатата година по овој празник бројот на новозаразени забележал голем раст, како и зголемен број смртни случаи, комитетот ја донесол оваа одлука.

Меркел ќе говори на Парламентарното собрание на Советот на Европа

Германската канцеларка Ангела Меркел

Германската канцеларка Ангела Меркел и германскиот државен министер за Европа Михаел Рот денеска ќе учествуваат на пролетната сесија на Парламентарното собрание на Советот на Европа што ќе се одржи во хибриден формат. Предвидено е обраќања да имаат и претседателот на Европскиот парламент, Давид Сасоли и претседателката на Молдавија Маја Санду. На оваа сесија, Комесарот за човекови права, Дуња Мијатовиќ, ќе го претстави својот годишен извештај за 2020 година.

Турција се повлече од Истанбулската конвенција

Темите на дневниот ред вклучуваат дебата за визијата на Собранието за стратешките приоритети на Советот на Европа и заедничка дебата за кршењето на човековите права и потребата од изборни реформи во Белорусија. Има барања и за итни дебати за апсењето на Алексеј Навални во јануари 2021 година и за функционирањето на демократските институции во Турција.

Австрија ќе пренасочи 651.000 дози вакцини од ЕУ за Западен Балкан

Австрија денеска соопшти дека планира до август да испрати 651.000 дози на вакцина против коронавирусот на Бионтек/Фајзер во шест земји од Западен Балкан, како дел од програмата на Европската унија за помош на соседните земји и Африка. Тие ќе бидат дистрибуирани од почетокот на мај според тоа на кои земји им се најпотребни. Босна и Херцеговина ќе добие најголем дел од вакцините – 240.000 дози, следена од Албанија 145.000 и Северна Македонија 119.000. Србија ќе добие 36.000 дози. Европската комисија во јануари ги објави плановите за механизам за споделување вакцини.

ЕУ наскоро ќе испрати 650.000 вакцини за Западен Балкан

Австрија соопшти дека ќе дејствува како координатор на механизмот за Западен Балкан и дека по првата распределба на дозите може да следува и втора. „Со оваа иницијатива покажуваме дека не го оставаме регионот настрана“, изјави австрискиот министер за надворешни работи Александар Шаленберг на прес-конференција. Според него, овие дози не доаѓале од националната квота. „Ова се дозите што ЕУ експлицитно ги зачува на почетокот со цел да им ги испрати на своите партнери“, потенцираше австрискиот министер.

Вашингтон и Москва ги продолжуваат разговорите за самитот Бајден-Путин

генералниот секретар на рускиот Совет за национална безбедност, Николај Патрушев

Советниците Џо Бајден и Владимир Путин денеска разговараа за можностите за организирање на првиот самит на американскиот и рускиот претседател и ќе ги продолжат тие разговори, соопшти Белата куќа. Минатата недела американскиот претседател му предложи на својот руски колега во телефонски разговор да се сретнат ова лето во трета земја на самит чија цел ќе биде стабилизирање на односите меѓу двете ривалски сили, кои сега се на најниско ниво. Финска и Австрија изразија подготвеност да им бидат домаќини. Москва покажа интерес за понудата, но санкциите и контрасанкциите од страна на двете земји беа во центарот на вниманието воминатата недела.

САД воведе нови санкции против Русија

Советникот на Бајден за национална безбедност, Џејк Саливан телефонски разговарал со генералниот секретар на рускиот Совет за национална безбедност, Николај Патрушев. Белата куќа соопшти дека двајцата, покрај низа теми поврзани со билатералните односи, регионалните и светските прашања, разговарале за изгледите за одржување на претседателскиот самит САД и Русија и одлучиле да „останат во контакт“. Рускиот совет за национална безбедност одделно соопшти дека разговарале за „подготовките за состанокот“, како и за важноста од започнување билатерален механизам за стратешка стабилност, развојот на настаните во врска со иранската нуклеарна програма и „нуклеарните проблеми на Корејскиот полуостров“. Инаку, Путин ќе учествува преку видео-врска на самитот за климата што Бајден го организира в четврток.

Министрите за европски прашања денеска и за проширувањето

Прашањето за проширување и процесот на стабилизација и асоцијација ќе бидат на агендата на неформалната видео конференција на министрите за европски прашања на ЕУ, што ќе се одржи денеска, објави Советот на ЕУ. Претседателството на ЕУ накратко ќе ја претстави моменталната состојба во врска со проширувањето на ЕУ и Процесот за стабилизација и асоцијација, како и да ги изнесе своите амбиции во оваа област за следните месеци.

Димитров во Берлин: Да се разграничат условите за преговори и нерационалните барања


Теми на конференцијата ќе бидат и односите меѓу Британија и ЕУ, координација околу „ковид-19“, Конференцијата за иднината на Европа, годишниот дијалог за владеењето на правото и други. Со состанокот ќе претседава Ана Паула Закаријас, министер за европски прашања на Португалија, која во моментов е претседател на ЕУ.

Радев ќе му го врачи мандатот за состав на нова влaда на Митов од ГЕРБ

Даниел Митов и Румен Радев

Бугарскиот претседател Румен Радев денеска ќе му го врачи мандатот за состав на нова влада на Даниел Митов, кандидат за премиер номиниран од ГЕРБ – најголемата парламентарна група во Собранието. Радев вчера имаше консултации со политичките партии и парламентарни групи од 45-то Народно собрание – ГЕРБ, Има таков народ, БСП, ДПС, Демократска Бугарија и Исправи се, мафијата надвор.

Радев се консултира со партиите за нова бугарска Влада

На средбите не присуствуваа двајца лидери на политички партии – Бојко Борисов, премиер во оставка и Слави Трифонов од Има таков народ кој е во изолација поради коронавирус. Борисов според локални медиуми во моментот е хоспитализиран поради хируршка интервенција на коленото. ГЕРБ има 75 пратеници, далеку под потребните 121 глас.

Протест на угостителите и туристичките работници

Затворени простории во Скопје поради мерки за спречување на коронавируси.

Туристичко-угостителскиот сектор денеска ќе протестира пред Владата се до исполнување на нивните барања. Бараат еднократна финансиска помош за регистрираните угостителски објекти на кои повеќе од една година им е забранета примарната дејност со уредба на Влада, како и мораториум или репрограмирање со грејс период на кредитите од комерцијалните банки и кредитите од Развојна банка, сè додека не почнат да работат без рестрикции. Туристичко-угостителската комора при Сојузот на стопански комори предупредува дека секторот се наоѓа во исклучително тешка состојба и доколку итно не се обезбедат економски мерки за финансиска поддршка, ќе се соочи со целосно уништување.

Локалите за свадби остануваат затворени, угостителите на протест

Кон протестот, како што најавија, ќе се приклучат и туристичките агенции кои, како што соопштија, имаат пад на прометот од 80 до 100 проценти. Владата најави дека подготвува шести пакет мерки за поддршка на овој сектор. Илјадници работници може да останат без работа. Новото затворање на угостителските објекти почна на 7 април, со воведувањето на рестриктивните мерки. Угостителските објекти се затворени за гости, а работат со достава или на принципот шалтер систем. Мерката е предвидено да важи до 20 април.

С. Македонија две места погоре во Светскиот индекс за слобода на печатот

логото на Репортери без граници

Северна Македонија во најновиот Светски индекс за слободата на печатот што денеска го објави организацијата Репортери без граници, е на 90 местото на табелата со индекс 31,67. Со тоа земјата е рангирана во портокаловата зона односно во групата земји кои имаат проблематична средина за слободата на печатот. Во претходниот извештај на Репортери без граници Македонија беше на 92-то место. Од регионот најдобро е пласирана Хрватска на 56 место. Босна и Херцеговина е на 58, Косово на 78, Унгарија на 92, Србија на 93, Црна Гора на 104 и Бугарија на 112 место.

Репортери без граници со препораки до Бугарија

Инаку, Светскиот индекс за слобода на печатот во 2021 година, покажува дека новинарството, главната вакцина против дезинформации, е целосно или делумно блокирано во 73% од 180 земји рангирани од оваа организација. Попрецизно новинарството е тотално блокирано или сериозно попречено во 73 земји и ограничено во 59 други, што заедно претставуваат 73% од оценетите земји. Податоците за Индексот, кои ги мерат ограничувањата за пристап до информации и пречките за покривање вести, ги потврдуваат обидите и мерките за блокирање на новинарството. Релевантниот индикатор покажува драматично влошување. Пандемијата на коронавирусот се користи како основа за блокирање на пристапот на новинарите до изворите на информации и известувањето на теренот, се вели во извештајот.

Вчитај повеќе

XS
SM
MD
LG