Достапни линкови

Бомбашки напад во Авганистан, цел бил потпретседателот Салех


Фотографија од местото на експлозијата на бомбата во Кабул, 9 септември 2020

Најмалку четири лица загинаа, а 16 се повредени во експлозија на бомба покрај пат во Кабул, чија цел била првиот потпретседател на Авганистан Амрулах Салех, кој бил спасен без повреди, соопшти неговиот портпарол, Разван Мурад. Тој додаде дека меѓу повредените се и неколкумина од телохранителите на Салех, пренесе АП.

Досега никој не презел одговорност за нападот, кој се случи пред почетокот на долгоочекуваните мировни преговори меѓу авганистанската Влада и талибанците во Доха. Салех, кој е поранешен шеф на разузнавањето, преживеа неколку обиди за атентат, вклучително и минатата година кога 20 лица беа убиени во напад врз неговиот кабинет.

XS
SM
MD
LG