Достапни линкови

Турција: Нема да се заборави лицемерието на ОАЕ


Илустрација

Турското Министерство за надворешни работи денеска оцени дека историјата никогаш нема да заборави и да прости, за, како што велат, лицемерното однесување на Обединетите Арапски Емирати во постигнувањето договор со Израел за нормализирање на односите.

Во соопштението се посочува дека палестинскиот народ и администрација имаат право остро да реагираат против договорот, за кој се вели дека го менува редоследот на политиката на Блискиот исток од палестинско прашање во борба против Иран.

„Историјата и совеста на народот во регионот нема да го заборават и никогаш нема да го простат ова лицемерно однесување на ОАЕ, со кое ги предадоа палестинските ставови поради свои интереси“, се вели во соопштението.

Турција изрази загриженост поради можноста ОАЕ, со едностран потег, да се обидат да го урнат Арапскиот мировен план, постигнат во 2002 година, склопен од Арапската лига.

Како што соопшти американскиот претседател Доналд Трамп на Твитер, Израел и ОАЕ ќе воспостават целосни дипломатски врски што ќе биде првата формална врска на Израел со една Заливска држава и трета со арапска држава. Според договорот, Израел вети дека ќе го запре суверенитетот врз областите на Западниот Брег што се предмет на анексија.

Во заедничката изјава на американскиот претседател Доналд Трамп, израелскиот премиер Бенјамин Нетанјаху и престолонаследникот на Абу Даби, Мохамед ал Нахјан, стои дека се надеваат дека историскиот пресврт ќе придонесе за мирот на Блискиот Исток.

XS
SM
MD
LG