Настаните на денот низ фотографии - 11 август 2020 година.
Демонстрации, евакуации, аргументации...
1
БЕЛОРУСИЈА - Еден демонстрант загина во Минск на вториот ден од протестите против официјалните изборни резултати о Белорусија на кои победи актуелниот претседател Александар Лукашенко. Демонстрантот починал откако неидентификувана експлозивна направа пукнала во неговата рака додека се обидувал да ја фрли врз полицијата, соопшти Министерството за внатрешни работи. Имаше извештаи дека врз демонстрантите било стрелано при што лицето загинало.
2
СРБИЈА / САД - Соединетите држави го предупредија Белград дека треба да биде свесен за ризиците што се создаваат од набавка на оружје од кинески компании и оценија дека изборот на добавувачи треба да ја одразува прогласената цел на Србија за интеграција во Европската унија.
3
МАКЕДОНИЈА / ФИНСКА - По објавувањето на информациите за летот од Скопје до Турку, Финска, каде што според финските власти од авион со 157 патници, по доброволното тестирање, 24 биле позитивни на коронавирус, Министерството за здравство направило проверка и информира дека станува збор за патници, иселеници кои доаѓаат во Македонија, или транзирираат преку Македонија од различни причини, а потоа се враќаат на работа во Западна Европа, за кои што со дозвола за престој или државјанство од ЕУ не важат рестрикциите при влез и излез од земјата. Само двајца патници биле со македонски пасош, соопшти МЗ.
4
МАКЕДОНИЈА - Министерството за здравство информира дека во последните 24 часа се направени 1885 тестирања, а регистрирани се 141 нови случаи на ковид-19, една почината пациентка и 161 оздравен пациент.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
