Достапни линкови

Најмногу дожд во Демир Капија, Скопје и во Охрид


Дожд во Скопје, луѓе со чадори

Најмногу дожд до осум часот изутрина наврнал во Демир Капија каде се измерени 59 литри на квадратен метар, како и во Скопје-Петровец – 54 литри и во Охрид 50. По нив, според мерењата на Управата за хидрометеоролошки работи во изминатите 24 часа, следат Пожаране со 41, Прилеп со 37, Битола и Штип со по 33, Ѓуриште со 29, Тополчани и Крушево со 27, Крива Паланка со 26. Во Тетово и Претор наврнале по 25 литри воден талог на квадратен метар, 24 во Куманово, 22 Дебар, 15 Дојран, 11 Виница, 10 Гевгелија, девет во Струмица и четири во Берово.

УХМР за денеска најавува претежно облачно време со чести врнежи од дожд. Локално ќе има развој на нестабилна облачност со пороен дожд, грмежи и засилен ветер. Во текот на денот, како и во текот на ноќта повторно се очекува да наврне поголема количина на воден талог, на места над 35 литри на квадратен метар. Максималната температура ќе биде во интервал од 23 до 29 степени.

Во Скопје претежно облачно со повремени врнежи од дожд, а попладне и нестабилно со пороен дожд и грмежи. Повремено врнежите ќе бидат пообилни. Максималната температура ќе достигне 25 степени.

XS
SM
MD
LG