Достапни линкови

Од Бугарија и Романија со авион во Грција само со негативен тест на ковид-19


Архивска фотографија: Аеродромот во Крит

Од вторник 28 јули сите оние кои во Грција ќе пристигнат авионски од Бугарија и Романија, задолжително ќе треба да имаат негативен молекуларен тест за ковид-19, направен до 72 часа пред патувањето, соопштија од Генералниот секретаријат за цивилна заштита на Грција. Одлуката е донесена „врз основа на анализа на епидемиолошките податоци“ и е во сила до 4 август 2020 година, а не важи за грчките државјани, за оние кои имаат грчка дозвола за престој и за оние кои патуваат од есенцијални причини.

Иако на граничниот премин Промахонас (Кулата) на влезот во Грција од Бугарија веќе е задолжителен негативен тест за ковид-19, за патниците од летовите од Бугарија и Романија немаше никакви ограничувања при пристигнувањата на грчките аеродроми.

Паралелно и понатаму е во сила обврската, сите патници, да го имаат пополнето формуларот Passenger Locator Form (PLF) 24 часа пред нивното пристигнување во Грција.

XS
SM
MD
LG