Достапни линкови

ЕУ ќе ги избрише Србија и Црна Гора од листата безбедни земји за коронавирус


Аеродромот во Подгорица

Европската унија ќе ги отстрани Србија и Црна Гора од листата безбедни земји, додека за вклучувањето на САД на листата не ни било разговарано, со оглед на големиот раст на инфицирани лица со ковид-19, велат европски дипломати кои инсистираат на анонимност.

Отстранувањето на Црна Гора и на Србија од листата на безбедни земји е на предлог на претседавачот со ЕУ, Германија. Предлогот вчера бил поддржан од неколку држави, вклучително Франција, Шпанија и Холандија.

Одлуката официјално треба да биде потврдена на денешниот состанок на дипломатите на ЕУ.

Листата е само препорака. Сите земји-членки на ЕУ не ги применуваат нејзините одредби.

Двете балкански држави ќе бидат избришани од листата поради зголемено ширење на ковид-19.

По исклучувањето на Србија и на Црна Гора, 13 земји ќе останат на листата – Алжир, Австралија, Канада, Кина, Грузија, Јапонија, Мароко, Нов Зеланд, Руанда, Јужна Кореја, Тајланд, Тунис и Уругвај. И покрај тоа што се наоѓа на листата безбедни земји, патувања од Кина ќе бидат дозволени само ако кинеските власти дозволуваат и посетители од ЕУ. Условот за реципроцитет не се применува во случај на другите наведени земји.

XS
SM
MD
LG