Достапни линкови

Потрошени 11 милиони евра преку домашните платежни картички


Министерката за финансии Нина Ангеловска

Министерката за финансии Нина Ангеловска денеска информираше дека преку 187.000 домашни платежни картички се веќе активни и граѓаните со нив направиле над 660.000 трансакции.

„За три недели околу 11 милиони евра се вбризгани во економијата преку зголемената потрошувачка од граѓаните со домашната платежна картичка и со тоа се поддржуваат македонските производи и услуги, се поддржуваат граѓаните и се поттикнува економската активност. Исто така, расте и безготовинското плаќање, а со тоа се влијае и на намалување на сивата економија“, напиша Ангеловска на Фејсбук.

Таа додава дека банките ја информирале оти со картичките најмногу се пазари во супермакетите, односно преку 90 отсто од транскациите се таму.

XS
SM
MD
LG