Настаните на денот низ фотографии - 3 јули 2020 година.
Од Бојан до Кашоги
1
МАКЕДОНИЈА - Бојан Јовановски - Боки 13, кој е осуден во предметот Рекет, денеска повторно беше спроведен во Основното јавно обвинителство Скопје каде поднел кривични пријави за триесетина државни функционери и приватни лица.
2
МАКЕДОНИЈА - Во првото полугодие од 2020 година извршен е поврат на ДДВ кон фирмите од 12,7 милијарди денари или 206,5 милиони евра, што е за 6% повеќе во однос на лани или за 660 милиони денари повеќе, соопшти денеска Министерството за финансии. Оттаму додаваат дека ова е највисок поврат на ДДВ за овој период, споредено со изминатите години, што е значајно особено ако се земе предвид корона-кризата.
3
ГЕРМАНИЈА - Германската канцеларка Ангела Меркел почна да носи заштитна маска во јавноста, откако беше цел на критики поради тоа што не ја носеше, и покрај препораките на владата за сузбивање на коронавирусот.
4
МАКЕДОНИЈА - Министерството за здравство денеска информираше дека тестови за брза дијагностика на присуство на вирусот Sars-Cov-2 се распределени и почнуваат да се користат во лабораторијата на Институтот за јавно здравје, на Клиниката за инфективни болести и фебрилни состојби и на Универзитетската клиника за гинекологија и акушерство во Скопје.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
