Достапни линкови

На 22 јуни квалификациско тестирање за упис во средните училишта


Илустрација: Средното медицинско училиште во Битола

Јавните средни училишта во кои се пријавени поголем број ученици со ист број поени од предвидениот во Конкурсот за запишување ученици во средно образование за учебната 2020/2021, ќе организираат квалификациско тестирање на 22 јуни со почеток во 10 часот.

Учениците кои се пријавиле во гимназија, ќе бидат тестирани по математика и мајчин јазик (македонски, албански, турски, односно српски јазик, во зависност од тоа на кој јазик ја следеле наставата во основното образование), соопшти Министерството за образование и наука.

За учениците кои се пријавиле за здравствена струка (за сите образовни профили), пак, ќе се организира проверка на знаењето по наставните предмети биологија и хемија, исто така на јазикот на кој ја следеле наставата во основното училиште.

Конечните ранг-листи со резултатите ќе се објават на 22 јуни 2020 година, соопшти МОН.

XS
SM
MD
LG