Достапни линкови

Коронавирус: Новозаразени 101 и четворица починати


Во последните 24 часа се направени 974 тестирања, а регистрирани се 101 нови случаи на ковид-19. Новозаразени по градови се регистрирани во Скопје 59, Куманово 12, Штип 7, Прилеп 1, Тетово 5, Струга 6, Велес 1, Охрид 1, Кавадарци 1, Гостивар 3, Кочани 3 и во Пробиштип 2, објави министерот за здравство Венко Филипче.

„На Клиниката за инфективни болести и фебрилни состојби почина 84 годишен пациент од Прилеп, хоспитализирана на 17 мај. Во ГОБ „8 септември“ починаа, пациент од Тетово (75) примен на 24 мај, пациент од Куманово (71) примен на 26 мај и пациент од Скопје (58) примен на 30 мај. Денеска Институтот за јавно здравје регистрира 10 оздравени пациенти, осум во Тетово и двајца во Велес“, објави Филипче.

Пред да ги соопшти најновите податоци за заразените со коронавирус, министерот на својот фејсбук профил објави дека нашата држава успеала да избегне „италијанско сценарио“.

„Го избегнавме италијанското сценарио. Не бевме сведоци на долги редици на возила за брза помош бидејќи немало места за пациентите во болниците. Вирусот нема да исчезне. Треба да научиме да живееме со него и да ги почитуваме сите мерки за заштита. Ова не е само борба на здравствениот систем, ова е борба и на граѓаните“, напиша Филипче.

Досега во земјата се направени вкупно 32161 тестирања на ковид -19. Од вкупниот број направени тестови во изминатото деноноќие 132 теста се во рамките на скринингот во градинки преку Центрите за јавно здравје Штип, Прилеп, Битола и Скопје. Потврдени се 2 позитивни случаи во градинки во Штип. Вкупната бројка на ковид дијагностицирани во нашата земја од почетокот на епидемијата изнесува 2492, бројката на оздравени пациенти е 1605, на починати е 145, а во моментов бројот на активни случаи во земјата изнесува 742.

XS
SM
MD
LG