Достапни линкови

Jавна расправа во Апелацискиот суд Скопје за случајот 27 април


Пресуди за 27 април, архивска фотографија

Апелацискиот суд Скопје, од денеска до петок во големата сала на Врховен суд, ќе одржи јавна седница за случајот 27 април во кој се обвинети поранешниот директор на Бирото за Јавна Безбедност, Митко Чавков и 15 други лица. Првостепената пресуда за овој предмет беше донесена во март минатата година и за кривичното дело „терористичко загрозување на државниот поредок“ 16 обвинети беа осудени на 211 години затвор.

Сведочење за „27 април“: Влегов внатре за да ме видат од партијата

Освен поранешниот директор на БЈБ, Чавков, меѓу осудените лица за наведеното кривично дело се и други припадници на Министерството за внатрешни работи и Агенцијата за разунавање. Судијката Добрила Кацарска, која го водеше овој случај во Кривичниот суд Скопје, при изрекување на пресудата рече дека Чавков и другите обвинети полициски службеници биле известени за се во однос на насилниот упад во Собранието, но не презеле ништо за да го спречат.

XS
SM
MD
LG