Достапни линкови

Словенија и Хрватска пред победа над епидемијата


илустрација

Словенечките здравствени власти објавија дека втор ден по ред бројот на новозаразени со коронавирусот е само пет, со што и дефинитивно земјата е пред прогласување победа над епидемијата, јави дописникот на МИА од Љубљана. Намалување има и на бројот на хоспитализирани лица кој во овој момент изнесува 60, а на одделите за интензивна нега поради потешка форма на КОВИД-19 се третираат 21 пациент.

Епидемиолозите информираат дека се смирува и состојбата во домовите за стари лица каде што имаше и најголем број заразени и починати. Најголем дел од нив веќе се и отворени за посети.Владата најави дека ќе продолжи со олабавувањето на ограничувањата за граѓаните, кои од оваа недела конечно можат да ги напуштат и општините во кои живеат.

Во последните 24 часа и во Хрватска само три лица биле заразени со вирусот, така што вкупниот број на пациенти е 2.088, објави министерот за здравство Вили Берош на редовната прес-конференција во Националниот штаб на цивилната заштита во Загреб. Вкупниот број на загинати од КОВИД-19 во Хрватска е 77.

Во последните 24 часа се излечиле 42 лица, така што вкупниот број излечени лица во Хрватска е 1.463.

XS
SM
MD
LG