Достапни линкови

ССМ задоволен од владината одлука да не се отпуштаат работници


Илустрација- логото на Сојуз на синдикати на Македонија

Социјалниот дијалог што го води ССМ со Владата и аргументираните барања даваат резултати, истакнува Сојузот на синдикати во соопштението кое следува по објавата на Владата дека се изменети двете уредби кои во изминатите денови наидоа на жестоки реакции од страна на синдикалните организации.

„Првомајска победа на ССМ. Стоп за можноста за отпуштање на работници. Ги враќаме назад отпуштените работници од почетокот на кризата“, пишува во соопштението од ССМ.

Од синдикатот наведуваат дека уредбите на денешната владина седница биле донесени по предлог на ССМ и други синдикати.

Претходно владата соопшти дека денеска донела уредба со која работодавачите кои ќе користат финансиска поддршка за исплата на плати не смеат да го намалат бројот на вработени во април, како и два месеца по завршување на мерката, односно заклучно со јули.

До ова дојде откако неделава министерката за финансии Нина Ангеловска рече дека владата одлучила да има нови правила за користење државна помош наведувајќи дека фирмите кои ќе користат може да отпуштаат вработени, што предизвика силни критики од синдикатите и невладините организации.

XS
SM
MD
LG