Достапни линкови

Земјите внимателно кон олеснување на мерките против Ковид-19


Илустрација - полициски патроли покрај пивска градина во Минхен.

Откако забавува стапката на инфекции и смртни случаи од новиот коронавирус во некои делови од светот, владите од Европа до Нов Зеланд продолжуваат претпазливо да се движат кон олеснување на забраните во услови на економски притисок и покрај стравувањата од можно повторно влошување на состојбата.

Во знак на тоа како може да се разоткријат привремените придобиввки, само една недела откако Германија укина некои од мерките за забрана, институтот Роберт Кох на 28 април соопшти дека стапката на репродукција на вирусот во последните денови се искачи од 0.9 на 1.0.

Секоја бројка под еден значи дека вирусот се намалува, додека бројката над еден значи дека вирусот се зголемува.

Германската канцеларка Ангела Меркел стави јасно до знаење дека дури и малите промени во стапката на репродукција може да имаат значителни последици и ќе имаат влијанија врз одговорот на владата.

Некои од најлошо погодените земји во Европа, вклучително Италија и Франција, се придвижуваат кон постепено олабавување на забраните во следните недели, а повеќе држави на САД го трасираат патот кон олеснување на наредбите за седење дома.

Во меѓувреме, администрацијата на американскиот претседател Доналд Трамп соопшти дека има намера да обезбеди доволно достапни тестови за Ковид -19 за да може државите да тестираат најмалку 2,6 проценти од своето население секој месец.

Во моментов има повеќе од три милиони потврдени инфекции низ целиот свет и најмалку 211.000 луѓе кои починаа, според податоците на дата базата на Универзитетот Џонс Хопкинс.

„Фајненшл тајмс“ проценува дека бројот на починати може да биде 60 проценти поголем од официјалните бројќи, врз основа на анализи на вишок на смртност во 14 земји.

XS
SM
MD
LG