Достапни линкови

Лекарка издала лажни потврди за движење во полициски час


Полициски час

Лекарка од Делчево заработи кривична пријава оти им издала лажни потврди на четири лица за да може да се движат за време на полицискиот час.

Министерството за внатрешни работи поднесе кривична пријава против 48 годишната лекарка од Делчево за злоупотреба на службената положба и овластувањето. Пријава, како што стои во полицискиот извештај, е поднесена и против лицето, кое и ги дало имињата на докторката.

Со потврдата лицата се движеле во времето на полицискиот час, што е спротивно на одлуката на Владата, според која во време на забрана за движење, придружба на лице за давање итна медицинска помош може да вршат најмногу две лица.

Второто пријавено лице од пехчевското село Панчарево, телефонски ѝ ги именувал четирите лица на докторката, што таа требало да ги наведе во потврдата за да им послужи за патување во време на забраната за движење.

XS
SM
MD
LG