Достапни линкови

Агенцијата за медиуми им донира 1,7 милиони евра на медиумите за справување со последиците од коронавирусот


Илустрација: Микрофони од македонските телевизии на прес-конференција

Агенцијата за аудио и аудиовизуелни медиумски услуги одлучи да додели финансиска помош – донација за справување со последиците од коронавирусот (COVID-19), во вкупен износ од 105 милиони денари, односно 1,7 милиони евра. Најголемиот дел од средствата или 103 милиони денари се доделуваат на радиодифузерите и тоа: 73 милиони денари или 1,2 милиони евра на приватните радија и телевизии и 30 милиони денари, односно 487 илјади евра на Македонската радио телевизија.

„Овие средства се доделуваат за заштита на своите вработени преку набавка на заштитни средства, за трошоци поврзани со производство, набавка и емитување на програма, за санирање на негативните последици врз нивното економското работење поради коронавирусот и овозможување нивно непречено функционирање“, соопштува Агенцијата.

По еден милиони денари, односно по 16 илјади евра, им се доделуваат на Министерствата за здравство и за внатрешни работи, за набавка на заштитни средства и опрема за вработените.

XS
SM
MD
LG