Достапни линкови

Прва жртва на коронавирусот во Србија


Илустрација - коронавирус Ковид-19.

Денеска во Клиничкиот центар во Војводина почина 59-годишен маж од Кикинда заразен од коронавирусот Ковид-19, изјави вечерва српската премиерка Ана Брнабиќ на прес-конференција.

„Тој го добил вирусот од човек чиј син бил во Милано, од човек кој сега се бори за живот“, рече Брнабиќ.

Таа во име на Владата и државата изрази сочувство до семејството на починатиот.

„Нашите лекарски тимови се борат за животот на осум лица“, рече Брнабиќ додавајќи дека се воведуваат додатни мерки за заштита од епидемијата на коронавирусот во Србија.

XS
SM
MD
LG