Достапни линкови

Од скопскиот аеродром вратени 26 странски државјани кои дошле од ризични земји


илустрација, скопски аеродром

Во текот на вчерашниот ден, согласно одлуката на Владата, од два патнички авиони на скопскиот аеродром пристигнати од ризични земји биле вратени вкупно 26 странски државјани, информира Министерството за здравство.

Од таму, исто така, соопштија дека патникот кој вчера со авион пристигнал од Германија и бил тестиран е негативен на коронавирусот. Патниците кои седеле во негова близина во авионот, а кои беа задржани во изолација на аеродромот во Скопје, се пуштени дома со препораки за задолжително придржување кон мерките и препораките, кои важат за сите патници кои пристигнуваат во земјата.

Во меѓувреме вчера попладне, на коронавирус биле тестирани уште осум пациенти меѓу кои и една медицинска сестра со индикации на болест од Клиниката за инфективни болести и фебрилни сосојби. Сите тестови се негативни на вирусот.

Четворицата пациенти од Дебар позитивни на вирусот и кои се во стабилна состојба денеска ќе бидат донесени во Скопје и хоспитализирани на Клиниката за инфективни болести и фебрилни состојби.

XS
SM
MD
LG