Достапни линкови

Москва со казни за ТВ каналот на Би-Би-Си и главниот уредник во Русија


Судот во Москва денеска го казни BBC World News - ТВ каналот на британскиот радиодифузен сервис Би-Би-Си и главниот уредник во бирото во Русија за прекршување на две регулативи поврзани со медиумите.

Судот пресуди дека обвинетите не успеале правилно да означат содржина несоодветна за деца и не доставиле содржина до државниот архив.

Уредничката на BBC World News во Москва, Екатерина Јакушенко е казнета со парична казна од 80 американски долари, а BBC World News со казна од 133 долари.

Пресудата е за неколку новинарски извештаи објавени на 21 јануари, а кои се однесуваат на бомбашки напади во Сирија, за војната против дрога во Колумбија и за интервју со американски маринец.

XS
SM
MD
LG