Достапни линкови

Боки 13 напишал писмо до Јовески за „корупцијата“ на Русковска


Боки 13, неговиот адвокат Сашо Дукоски и обвинителката Вилма Русковска на судење за случајот „Рекет“

Бојан Јовановски-Боки 13, првообвинетиот во случајот „Рекет“, денеска на судијката Васка Николовска - Масевска, на лист хартија ѝ предаде на рака напишано писмо адресирано до републичкиот обвинител Љубомир Јовески, во кое, според Боки, се наводите за кривични дела за кои тој зборуваше вчера.

„Барам да бидам изведен пред републичкиот обвинител. Се работи за наводите за кривичните пријави што ги најавив вчера“, рече Јовановски потенцирајќи дека, меѓудругото, станува збор и за пријавата за обвинителката Вилма Русковска.

Јовановски вчера јавно ја обвини обвинителката дека има за неа „несоборливи докази за корупција тешка 4 милиони евра“, на што Русковска подоцна пред новинарите одговори дека „ги охрабрува сите што имаат докази за кого било да пријават во МВР“. Таа денеска беше присутна во судницата кога Јовановски го предаде писмото за Јовески, но не коментираше.

XS
SM
MD
LG