Достапни линкови

Вести

Ѓоковиќ во финалето на Австралија опен

Архивска фотографија- тенисерот Новак Ѓоковиќ

Српскиот тенисер Новак Ѓоковиќ ќе игра во финалето на тенискиот турнир Австралија опен. Тој денеска во полуфиналето го победи швајцарскиот тенисер Роже Федерер со 3-0 во сетови. Неговиот противник во финалето ќе биде победникот од мечот меѓу Александар Зверев и Доминик Тием.

види ги сите денешни вести

Заев: Политички преговори со Бугарија по нивните избори

Премиерот Зоран Заев пред Судот во Скопје

Премиерот Зоран Заев денеска најави дека пратениците на седницата на собраниската Комисија за надворешна политика најверојатно ќе бидат информирани за деталите од размената на идеи меѓу работните групи и министрите за надворешни работи на Македонија и Бугарија.

„За деталите од размената на идеи, за нон-пејперот, нашето последно размислување, но и нивната реакција која следуваше како одговор на нашиот акциски план“, рече денеска премиерот Заев по рочиштето за судскиот спор меѓу него и новинарот Зоран Божиновски, кого премиерот го тужи за клевета.

Во координација со претседателот на собраниската Комисија за надворешна политика ќе биде договорен точен термин за одржување на седницата, но за точната содржина на она за што ќе се разговара Заев упати на министрите. Тој само кусо најави дека процесот на официјални преговори е завршен и очекува дека сега ќе следува процес на реализација на акцискиот план, а веднаш по изборите во Бугарија ќе се почне со разговори и преговори на политички основи.

Почна сослушувањето на рускиот опозиционер Алексеј Навални

Принтскрин од видеото од Навални во судница во градот Кимки што го објави портпаролката на Налавни, Кира Јармиш

Сослушувањето во случајот на рускиот опозиционер Алексеј Навални почна денеска во градот Химки, во близина на Москва, соопшти денеска неговата портпаролка Кира Јармиш. Таа на Твитер објави повеќе видеа со изјави од Навални по приведувањето и спроведувањето во судот во Химки.

Навални доцна синоќа беше приведен веднаш по слетувањето во Москва, на враќање од Германија, каде беше на лекување по труењето со нервниот агенс новичок.

Рускиот затворски орган ФСИН го потврди притворот за Навални и во соопштение за јавноста објави дека „Навални бил во притвор поради повеќекратни прекршувања на условите од неговата условна казна во врска со пресуда за измама во 2014 година“.

ФСИН пред десетина дена објави дека Навални ќе биде приведен доколку се врати во Русија, што не ја смени одлуката на критичарот на Кремљ „да се врати дома“. На Навални му се заканува затворска казна од 3,5 години. По неговото апсење реагираа повеќе западни дипломати, премиери и претседатели со барање за негово ослободување.

Обезбедени 802 единици ковалесцентна плазма за третман на ковид позитивни

Илустрација - Ковид-19 центар во Скопје

Од Институтот за трансфузиона медицина денеска информира дека се обезбедени вкупно 802 единици конвалесцентна плазма за третман на пациенти заразени со Ковид-19, од вкупно 729 донори.

„Со крвна плазма досега се третирани 661 пациент. Со ваквиот највисок чин на хуманост, граѓаните кои се оздравени имаат можност да им помогнат на тие кои во моментот се борат со коронавирусот. Да им помогнеме на лицата кои се борат со коронавирусот, да донираме конвалесцентна крвна плазма“, стои во соопштението од Институтот за трансфузиона медицина, од каде апелираат до сите оздравени пациенти кои имале Ковид-19 дека преку даруваната конвалесцентна плазма, антителата на оздравените пациенти се користат во сузбивање на болеста кај друго лице со Ковид-19.

Лицето дарител на конвалесцентна плазма треба да има документиран лабораториски доказ дека било болно од Ковид-19 и да биде минимум 21 ден без симптоми, по што се прави дополнителен тест за потврда дека нема присуство на вирус.

Од почетокот на коронакризата во земјава се регистрирани 88.938 позитивни лица, оздравеле 73.601, починале 2.702, а активни случаи се 12.635.

Србија ќе ѝ даде на Македонија 8000 вакцини од „Фајзер“ по набавна цена

Архивска фотографија - Српскиот претседател Александар Вучиќ и македонскиот премиер Зоран Заев

Македонија ќе добие 8000 вакцини против ковид-19 како помош од Србија во снабдувањето на вакцини против корона вирусот, информираше денеска премиерот. Тој ја поздрави одлуката на српскиот претседател Александар Вучиќ за помошта, што според него е добар знак на солидарност. Премиерот Заев рече дека српскиот претседател „изустил“ дека оваа количина можат и да ни ја донираат, на што Заев му рекол дека „Македонија има пари да си ги плати вакцините“, по што Вучиќ рекол дека ќе ни ги дадат вакцините по набавна цена.

„Понудената помош од Србија ја прифативме и ќе добиеме 8000 вакцини од Фајзер. Ова е добар чин на солидарност на нашиот сосед, пријателството продолжува. Првите вакцини ќе се за здравствените работници, за семејствата кои имале член позитивен на Ковид-19, хронично болните лица“, реше премиерот Заев.

Тој додаде дека не се исклучува да добиеме помош од Србија вакцини и од други производители, како и дека во текот на денешниот ден ќе бидат утврдени деталите.

И премиерот и министерот за здравство Венко Филипче, неколку пати изминатите десетина дена информираа дека првите вакцини против ковид-19 во Македонија ќе стасаат во февруари, а дека вакцините преку системот за солидарност не се стасани се уште бидејќи земјите кои требало да ни дадат од своите вакцини не ја добиле нарачаната количина. Заев денеска потсети дека во тек е постапката на потпишување договор за 800.000 вакцини од „Фајзер“, кои ќе пристигнат во земјава во текот на оваа година и ќе бидат доволни за 400 000 граѓани.

За 24 часа во Македонија казнети 412 граѓани за неносење маска на лице

Илустрација - Граѓани со заштитни маски за лице во Скопје

Вкупно 412 прекршоци за неносење заштита на лице се изречени изминатите 24 часа на територијата на Република Северна Македонија, соопшти денеска Министерството за внатрешни работи (МВР).

МВР и денеска апелира да се почитуваат мерките и протоколите донесени од Владата, за справување со КОВИД-19. Казната за непочитување на оваа задолжителна мерка изнесува 20 евра.

Остри меѓународни осуди за приведувањето на Навални

Алексеј Навални со сопругата Јулија по пристигнувањето во Москва

Притворањето на рускиот опозициски политичар Алексеј Навални веднаш по пристигнувањето во Москва од Германија, предизвика бран од меѓународни критики.

Германскиот министер за надворешни работи Хајко Мас денеска повика на итно ослободување на Навални.

Русија е обврзана од својот устав и од меѓународните обврски спрема принципот на владеење на правото и заштитата на граѓанските права. Овие принципи, се разбира, мора да се применат и на Алексеј Навални. Тој треба веднаш да биде ослободен “, рече Мас.

Претходно и американскиот државен секретар Мајк Помпео исто така побара „итно и безусловно ослободување“ на Навални. Приведувањето на критичарот на Кремљ, Помпео го нарече „последен во серијата обиди да се замолчи Навални и другите опозициски и независни личности кои ги критикуваат руските власти.

И администрацијата на новоизбраниот американски претседател Џо Бајден повика на итно ослободување на Навални, додавајќи дека „сторителите на срамниот напад врз неговиот живот мора да одговараат“.

Претседателот на Европскиот Совет Шарл Мишел го нарече апсењето на опозицискиот политичар „неприфатливо“ и побара негово итно ослободување.

Во Грција се отвораат продавниците, полицискиот час останува

По речиси два и пол месеци, под посебни мерки, со претходно испратена СМС порака и со ограничено време за шопинг, денеска во Грција се отвораат продавниците, моловите и трговските центри, а повторно со работа почнуваат и козметичките и фризерските салони, берберниците и центрите за техничка контрола на возила, јави МИА од Атина.

Отворањето на продавниците, сепак не значи и крај на карантинот во Грција што започна на 7 ноември 2020 година, со оглед на тоа дека и понатаму во сила се рестрикциите за движење, односно излегување од дома само со испратена смс порака од шест конкретни причини, а паралелно во сила е и полицискиот час од 21 часот до 5 часот наутро, како и забраната за патување меѓу периферии.

Продавниците ќе работат под конкретни правила, со ограничен број муштерии, додека пак маската е задолжителна за сите, исто како што е задолжителна секаде во Грција.

Во изминатите 24-часа во Грција се регистрирани 237 нови случаи на Ковид-19, а починаа 28 лица.

Од почетокот на епидемијата има 148.607 заразени и 5.469 смртни случаи.

Интерпелација за Никола Димитров во Собранието

Никола Димитров

Собранието на Република Северна Македонија денеска треба да ја започне 30-та седница на чиј дневен ред се 50-тина предлог-закони за изменување и дополнување на постојни закони, како и интерпелацијата за работата на заменик претседателот на Владата задолжен за европски прашања Никола Димитров.

Интерпелацијата е поднесена од повеќе од 30 пратеници од опозициските партии во парламентот.

Опозициската ВМРО ДПМНЕ му забележува на Димитров дека со своето недоаѓање на комисиска расправа, покажал непочитување на Собранието. Секретаријатот за европски прашања е пасивен и без отчет за првите 100 дена, а третата причина за интерпелацијата е заблудата во која е доведена јавноста со тврдењето на Димитров дека Македонија има одлука за старт на преговорите со Европската унија.

Интерпелацијата за Димитров ќе биде нов пораз за очајното ВМРО ДПМНЕ, велат во СДСМ. Владејачката партија потсетува дека опозицијата и пред две години поднесе интерпелација за истиот министер, но за неа гласаа само 20 пратеници, па очекува така да биде и годинава.

Времето сончево и студено со слаб северен ветер

Времето денеска ќе биде сончево и студено, претпладне во западните делови со мала до умерена облачност. Ќе дува слаб до умерен северен ветер. Максималната температура ќе биде во интервал од -6 до 4 степени.

Во Скопје претпладне ќе има мала до умерена облачност, а попладне ќе биде ведро. Ќе дува слаб до умерен северен ветер. Максималната температура ќе достигне до 1 степен.

УХМР најавува дека утре ќе преовладува ведро и студено време со слаб до умерен, а повремено и засилен северен ветер. Од среда ветерот ќе го промени правецот во јужен и температурите ќе бидат во пораст. Облачноста ќе се зголемува, а од четврток кон крајот на денот во западните делови ќе започнат врнежи од дожд, а на планините од снег.

Навални уапсен веднаш по слетувањето во Москва

Алексеј Навални веднаш по слетувањето на авионот во Москва

Рускиот опозициски политичар Алексеј Навални пристигна во Москва од Германија, каде се лекуваше откако беше отруен и веднаш беше приведен од органите за спроведување на законот на московскиот аеродром Шереметјево. Кога Навални бил одведен, неговиот адвокат, кој патувал со него, не смеел да го придружува. На неговата сопруга Јулија Навалнаја, која исто така беше на летот, ѝ беше дозволено да помине низ пасошка контрола.

Рускиот затворски орган ФСИН го потврди притворот за Навални, пренесува Интерфакс. Во соопштението на ФСИН се вели дека Навални бил во притвор поради „повеќекратни прекршувања“ на условите од неговата условна казна во врска со пресуда за измама во 2014 година. Во соопштението се вели дека Навални ќе биде во притвор „се додека не донесе одлука на судот“ по ова прашање.

Овој потег, според кој Навални може да биде затворен 3,5 години за наводно непочитување на условите од условна затворска казна, предизвика непосреден бран критики кон претседателот Владимир Путин и во Русија и надвор од неа.

Навални, еден од најистакнатите домашни критичари на претседателот Владимир Путин, беше пренесен во Берлин во август минатата година на итен медицински третман, откако беше отруен со, како што покажаа тестовите од неколку европски лаборатории, нервен агенс новичок.

„Ова е најдобриот момент во последните пет месеци“, рече тој пред новинарите откако седна во авионот за Москва во германскиот главен град. „Се чувствувам одлично. Конечно, се враќам во родниот град“.

Тој ја објави својата одлука да се врати од Германија во средата, а ден подоцна затворската служба во Москва соопшти дека ќе стори сé за да го уапси откако ќе се врати, обвинувајќи го за непочитување на условите за условна затворска казна за проневера, случај од 2014 за кој тој вели дека е наместен.

Навални полета кон Москва, зголемено полициско присуство на аеродромот

Алексеј Навални во авионот кон Москва

Рускиот опозиционер Алексеј Навални полета од Берлин кон Москва и покрај фактот што руските власти претходно објавија дека ќе го уапсат по неговото пристигнување, пренесува англискиот сајт на Радио Слободна Европа.
Навални се враќа во родната земја со руската авиокомпанија Победа и треба да слета на московскиот аеродром „Внуково“ во 19.20 часот по локално време.

Новинарите јавуваат за големо присуство на полицијата на аеродромот, а руските власти ги повикаа граѓаните да не доаѓаат да го поздравуваат Навални.
Тој беше на лекување во Германија поради тровењето со нервен агенс новичек.

Во Русија е отворена истрага против Навални за измама

Навални во средата објави дека планира да се врати во Русија, за прв пат откако беше отровен во август 2020 година и покрај ризикот да биде затворен по враќањето од Германија. Руската затворска служба објави дека има намера да го уапси Навални доколку се врати во Русија, бидејќи не ги почитувал обврските за условната затворска казна што му беше изречена во 2015 година.

Навални изјави дека првобитниот случај против него е измислен и дека во тоа време бил во Германија на лекување, па затоа не можел да се пријави.
Од затворската служба, сепак, велат дека тој бил пуштен од берлинската болница во септември и дека требало да се врати во Москва и да се пријави.

Мицкоски на средби со Орбан и Јанша

Христијан Мицкоски

Претседателот на ВМРО-ДПМНЕ Христијан Мицкоски и потпретседателот Александар Николоски, во наредните неколку дена ќе остварат дипломатски посети и средби со повеќе политичари од регионот и Европа од сестринските партии на ВМРО-ДПМНЕ од семејството на Европската Народна Партија. Од партијата соопштија дека во нивната агенда се и средби со претседателот на Фидес и премиер на Унгарија Виктор Орбан, како и со премиерот на Република Словенија и претседател на Словенечката Демократска Партија Јанез Јанша.

Мицкоски на средба со Орбан: Барам датум за преговори со ЕУ

Од партијата велат дека средбата со Јанша е особено значајна за европските интеграции ако се знае дека Словенија е идната земја која ќе го преземе претседавањето со ЕУ. Од таму додаваат дека средбите ќе бидат искористени за активно лобирање за државните интереси на Македонија пред се одблокирање на патот кон Европската Унија кој е блокиран со бугарското вето, како и застојот кој го има земјава во однос на реформите.

Нови 190 случаи на Ковид-19, шестмина починале

илустрација

Министерството за здравство информира дека во последните 24 часа се направени 1530 тестирања, а регистрирани се 190 нови случаи на ковид-19 и тоа во: Скопје-71, Куманово-19, Тетово-6, Прилеп-12, Гостивар-3, Штип-6, Битола-1, Велес-6, Охрид-5, Струмица-6, Кавадарци-8, Струга-11, Кочани-1, Кичево-8, Гевгелија-4, Неготино-8, Дебар-3, Ресен-7, Делчево-2, Радовиш-1, Пробиштип-2.

Денеска Институтот за јавно здравје регистрира 2009 оздравени пациенти. Починати се шест лица, четворица пациенти од Скопје, еден од Куманово и еден пациент од Гостивар. Пациентите се починати во болнички услови.

За 24 часа 17 пациенти хоспитализирани во ковид центрите

Вкупната бројка на ковид дијагностицирани во нашата земја од почетокот на епидемијата изнесува 88938, бројката на оздравени пациенти е 73601, на починати е 2702, а бројот на активни случаи изнесува 12635.

Бесими: Eфектите од мерките во економијата ќе се видат во првиот квартал

Фатмир Бесими, министер за финансии

Веќе во првиот квартал од 2021 година ќе се видат ефектите од мерките кои Владата преку државниот буџет ги презема со цел да се стаблизира економијата во состојба на криза, оцени денеска од Тетово, министерот за финансии Фатмир Бесими кој присуствуваше на промоцијата на возилата за јавен превоз на градот.
Тој потсети дека ќе има и други средства за пакетот мерки за 2021 покрај 85 милиони евра од државниот буџет за поддршка на економија, здравствениот сектор и социјални категории кои чувствуваат ефекти од Ковид кризата.

Министерот рече дека некои мерки веќе се применуваат, а се во комуникација со коморите за нивна реализација.

Колку пари од владините Ковид програми останаа непотрошени?

„Во првиот квартал ќе имаме и појасна слика за мерките. Од управата за јавни приходи со последните информации 13 илјади компании веќе аплицирале за декемвриската плата. Постојано сме во комуникација да најдеме и дизајнираме соодветни мерки да се реагира брзо во поддршка на економијата во текот на 2021 за да се остварат проекциите за 4,1 раст на нашата економија, под претпоставка дека Ковид кризата после вториот квартал и натаму состојбата да се нормализира“, истакна Бесими во Тетово.

Пет руски морнари спасени, двајца се удавиле кога потонал бродот

илустрација

Најмалку пет лица се спасени, а две лица загинаа во потонатиот 13-член руски товарен брод крај брегот на турската црноморска провинција Бартин.
Од руската Амбасада во Анкара за агенцијата Тасс изјавиле дека дипломатите работат на утврдување на судбината на екипажот, а причината за несреќата засега е непозната.

Гувернерот Гунер соопшти дека загинале најмалку две лица од бродот.
„На бродот имаше 13 лица, сите руски државјани. Досега знаеме дека пет лица се спасени и пронајдовме две тела на починати морнари“, изјави гувернерот.

Потона руски товарен брод

Како што се наведува, временските услови во регионот се многу лоши и спасувачките екипи имаат проблеми со пловењето.

За 24 часа 17 пациенти хоспитализирани во ковид центрите

илустрација

Во изминатите 24 часа во ковид-центрите во Скопје се хоспитализрани 17 нови пациенти поради компликации од корона вирусот. Вкупно 287 лица сомнителни и потврдени за КОВИД -19 се лекуваат на инфективните оддели во главниот град.
Во изминатите 24 часа дома се пуштени 20 оздравени пациенти.

Вкупно 287 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка.

Два ипол милиони евра за непотребни антибиотици

Бројот на приеми во изминативе денови е стабилен и утрово до 8 часот имало 172 слободни места, а се очекува во тек на денот по направените исписи на оздравените пациенти да се ослободат и дополнителни места.
Од Министерството за здравство информираат дека сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Потона руски товарен брод

илустрација

Руски товарен брод потона крај брегот на турската црноморска провинција Бартин, соопштија локалните власти, потенцирајќи дека е во тек акцијата за спасување на околу 15 члена на екипажот, кои се наоѓаат во чамци во морето.

Гувернерот на Бартин, Синан Гунер, изјави дека бродот со сув товар потонал крај брегот на регионот Инкуму, додавајќи дека нема извештаи за жртви, јави државната агенција Анадолу. Причината за инцидентот засега не позната.

„Ќе почнеме со спасувачки операции на приближно 15 члена на екипажот заглавени во три спасувачки чамци. Во моментов нема извештаи за жртви или потонување на чамците за спасување“ изјави Гунер.

Како што се наведува, временските услови во регионот се многу лоши и спасувачките екипи имаат проблеми со пловењето.

Техеран бара да не се објавуваат детали за нуклеарната програма

илустрација

Иран ја повика Меѓународната агенција за атомска енергија да избегне објавување „непотребни“ детали за иранската нуклеарна програма, еден ден откако Германија, Франција и Велика Британија ја повикаа земјата да се откаже од последното планирано кршење на меѓународниот нуклеарен договор со големите сили, објавија локалните медиуми.

Иранскиот нуклеарен оддел побара од МААЕ да избегне објавување детали што може да доведат до забуна, се вели во извештајот на една локална ТВ станица.
На 16 јануари Германија, Франција и Велика Британија го повикаа Иран да се откаже од последното планирано кршење на меѓународниот нуклеарен договор со големите сили, наведувајќи дека Техеран нема веродостојна цивилна употреба на ураниум во форма на метали.

Иран „не брза“ САД да се вратат во Нуклеарниот договор од 2015

Меѓународната агенција во четвртокот соопшти дека Иран ја известил дека започнал да инсталира опрема за производство на ураниум во форма на метали. Потоа, МААЕ изјави дека Иран останува посветен на истражување и развој на производство на ураниум во метална форма, во согласност со „прокламираната цел за дизајнирање на подобрен вид на гориво“.

Ураниум во метална форма може да се искористи и за производство на атомска бомба, а истражувањето за неговото производство е специјално забрането со меѓународен договор меѓу Техеран и големите сили од 2015 година, со кој Иран се обврзува да го ограничи развојот на својата нуклеарна програма во замена за укинување на санкциите.

Се очекува враќање на Навални во Москва

Алексеј Навални

Рускиот опозициски политичар Алексеј Навални планира денеска да се врати во Русија од Германија, каде што се лекуваше откако беше отровен со нервниот агенс новичок, пренесува АП. Наскоро се очекува тој да полета од Берлин до Москва.

Навални во средата објави дека планира да се врати во Русија, за прв пат откако беше отровен со нервен агенс во август 2020 година и покрај ризикот да биде затворен по враќањето од Германија.

Руската затворска служба објави дека има намера да го уапси Навални доколку се врати во Русија, бидејќи не ги почитувал обврските за условната затворска казна што му беше изречена во 2015 година.

Навални во Русија може да добие затворска казна од 3,5 години

Тој изјави дека првобитниот случај против него е измислен и дека во тоа време бил во Германија на лекување, па затоа не можел да се пријави.
Од затворската служба, сепак, велат дека тој бил пуштен од берлинската болница во септември и дека требало да се врати во Москва и да се пријави.

Во Скопје санкционирани 213 возачи, 306 казни за неносење маска

Полиција контролира дали се почитува мерката за носење заштитни маски за лице, Скопје

Министерството за внатрешни работи во текот на вчерашниот ден на територијата на град Скопје изрече вкупно 213 мерки. Од нив за возење без возачка дозвола 23 санкции, 14 мерки за нерегистрирани и технички неисправни возила, 25 за користење на мобилен телефон. Изречени се осум санкции за минување на црвено светло, пет за непочитување на брзината на движење, 45 мерки за непрописно паркирани возила и седум за неносење заштитна маска.

Во текот на изминатото деноноќие на територијата на Република Северна Македонија, по однос на мерката за носење лична заштита на лице, регистрирани се 306 прекршоци, соопшти МВР.

Министерството за внатрешни работи апелира до граѓаните да ги почитуваат мерките и протоколите донесени од Владата, со цел справување со Ковид-19.

До вчера вакцинирани 22 илјади лица во Србија

Заклучно со вчерашниот ден, 22.000 лица биле вакцинирани против коронавирус во Србија, а имунизациите биле извршени во 10 градови, изјави државниот секретар во Министерството за здравство, Мирсад Џерлек.

ој посочи дека сè поминало без никакви проблеми, како и дека интересот за вакцинација е поголем од очекуваниот. Како што соопшти, преку веб-страницата на е-влада досега се пријавиле околу 280.000 граѓани кои се заинтересирани да примат вакцина.

Кинеските вакцини пристигнаа во Србија

Џерлек вели дека целта е во наредните денови да се отворат повеќе од 300 пунктови за вакцинација низ цела Србија.

Расте бројот на заразени, Франција го врати полицискиот час

Франција го врати во сила полицискиот час, откако земјата го надмина прагот на 70.000 смртни случаи поради Ковид-19 од почетокот на пандемијата, соопштија здравствените власти.

Вкупно 70.142 лица починаа како резултат на болеста, од нив 196 во последните 24 часа, се вели во дневниот извештај на националната агенција. Бројот на новозаразени е сè уште висок со 21.406 случаи во последните 24 часа.
Во обид да се спречи зголемувањето на бројот на заразени со вирусот, полицискиот час повторно почна вчера од 18 до 6 часот наутро.

Гутереш:Владите имаат одговорност да ги штитат своите жители

Министерството за здравство објави нови податоци за бројот на вакцинирани. Вкупно 413.046 лица се вакцинирани во саботата, за разлика од 389.000 во петокот, пренесе „Ројтерс“.

За 71 отсто помалку патници од аеродромите во Скопје и Охрид

Меѓународниот аеродром во Скопје

Меѓународниот аеродром Скопје и аеродромот „Св.Апостол Павле“ во Охрид“ поради ковид пандемијата минатата година ја завршија со 782 876 патници, за 71 отсто помалку во однос на 2019 година. Една од опциите за надминување на состојбата е да се овозможи систематско тестирање на патниците на аеродромите, што го иницирал кај Владата аеродромскиот оператор.

Најголемата пречка за закрепнување на македонскиот воздушен сообраќај е забраната за патување поради КОВИД-19 воведена од земјите на ЕУ/Шенген за носителите на македонски пасош. Додека не се отстранат тие ограничувања и луѓето не почнат слободно да патуваат од туристички причини како што правеа претходно, ќе се соочуваме со тешкотии, велат од ТАВ Македонија.

„Една од опциите за надминување на оваа состојба е иницијативата што ѝ ја предложивме на Владата на Република Северна Македонија – систематско тестирање за КОВИД-19 на аеродромите во Скопје и Охрид, што доколку биде прифатено од ЕУ, треба да овозможи слободен влез на македонските граѓани во земјите на ЕУ каде е концентриран над 77 проценти од македонскиот воздушен сообраќај“, наведуваат од ТАВ Македонија.

Тест за Ковид 19, па во авион

За време на оваа пандемија авиокомпаниите брзо и постојано го менуваат распоредот на летовите. Тие најавуваат одреден лет, но подоцна можат да го откажат, во зависност од правилата за патување на владите воведени поради КОВИД-19.

Фејсбук и Твитер му ги вратија профилите на Трамп

Доналд Трамп

Страниците на актуелниот американски претседател Доналд Трамп на Фејсбук и на Инстаграм се активни од неодамнешната блокада. Претходно, Марк Цукерберг, сопственикот на Фејсбук, напиша дека страниците на Трамп ќе останат блокирани сè додека не ја напушти функцијата.

Големите американски социјални мрежи ги блокираа страниците на Трамп откако неговите приврзаници упаднаа во зградата на Конгресот. Тие повикаа на преглед на резултатите од неодамнешните избори, на кои ривалот на Трамп, демократскиот кандидат Џо Бајден, освои мнозинство гласови.

Твитер трајно го забрани профилот на Трамп

Фејсбук забранет за Трамп на неопределено време

Инаугурацијата на новиот претседател Џо Бајден ќе се одржи на 20 јануари. Сите 50 американски држави и областа Колумбија се во состојба на готовност за можни насилни протести викендов пред инаугурацијата на новоизбраниот претседател.

Подготвен планот за вакцинација, првите вакцини следниот месец

Следниот месец, според здравствените власти, се очекува да пристигнат првите дози вакцини во државава од „Фајзер“ и „КОВАКС“ механизмот, а здравствениот систем, како што велат, е подготвен за вакцинација.

Министерот за здравство Венко Филипче вчера на седница на Владата ги претстави најновите информации за набавката на MРНА вакцини против КОВИД-19 од производителот Фајзер, за продолжувањето на интензивните контакти за набавка и испорака на оваа вакцина, вклучувајќи ги аспектите на постапката за набавка која треба да се спроведе, како и за регистрација на вакцината во државава.

Нови 361 заразени со коронавирус, 14 лица починале

Според Филипче, здравствениот систем е целосно подготвен за вакцинација, а во февруари се очекува да пристигнат првите дози од „Фајзер“ и „КОВАКС“ механизмот. Веќе се пристигнати два фрижидера кои беа најавувани како донација за фајзеровата вакцина која се чува на -70 степени, а уште три се очекуваат во текот на следните недели. Во еден фрижидер може да се складираат 100 илјади дози вакцини.

Вчитај повеќе

XS
SM
MD
LG