Достапни линкови

Пожари во села во Кавадарци и Кочани


Пожар во села во Кавадарци.

Пожарникари повторно се на терен да гаснат шумски пожари, откако четири пожари денеска избувнаа во Кавадарци, велат од протипожарната единица на градот наведувајќи дека во ганењето биле вклучени и пожарникари кои имале слободен ден.

Тие велат дека ветерот денекса им ја отежнувал работата при гаснењето на „огромен пожар“ во атарот на село Фариш каде горела нискостеблеста шума и трева, а интервенирале 18 пожарникари со три возила и четворица комунални работници со две возила. Двајца пожарникари го гаснеле пожарот во атарот на Дебриште, а разгорен бил и пожарот во Дреново на патот Градско-Прилеп каде во гаснењето учествувале исто така двајца пожарникари со едно возило. Четвртио пожар бил во индустриската зона, но навремено бил локализиран.

Слен шумски пожар доцна попладнево избувна и кај кочанското село Пантелеј, на падините на Осоговските Планини и зафати поголема површина со букови дрва, нискостеблести и друг вид стебла. Според известувањето од Територијалната противпожарна единица од Кочани, по дојавата за огнот тие веднаш излегле на терен со четири возила и десет пожарникари, а на помош притекнале и нивните колеги од Виница. Во интервенцијата за гаснењето учествуваат и вработени во подружницата „Осогово“ на ЈП „Национални шуми“, како и месно население.

XS
SM
MD
LG