Достапни линкови

Ердоган: Турција не може да прими нов бегалски бран од Сирија


Турскиот претседател Реџеп Таип Ердоган

Турскиот претседател Реџеп Таип Ердоган денеска предупреди дека неговата земја веќе не може да ги отвори границите во случај на нов бегалски бран, што се заканува по нападите врз Идлиб во Сирија.„

„Турција веќе згрижи милиони сириски бегалци и на тој начин ја заштити цела Европа“, изјави Ердоган.

Тој истакна дека од Турција веќе не може да се очекува тоа да го прави во случај на нов бегалски бран, што се заканува заради нападот во сирискиот Идлиб, пренесува агенцијата Анадолија.

Ердоган го коментираше и турско-американскиот договор за воспоставување зона на безбедност на северот на Сирија. Неговиот предлог за зоната, појасни, своевремено бил одбиен од американскиот претседател Барак Обама, но актуелниот претседател Доналд Трамп позитивно одоворил на него. Според него, Турција инсистира на тоа регионот источно од Еуфрат и ирачката граница да се исчисти од „терористичката закана од Курдската работничка партија и Силите за заштита на народот. Кажа и дека за него е неприфатливо САД да испраќаат илјадници шлепери помош и оружје во тој регион, што, додаде, на крајот стануваат закана за Турција.

XS
SM
MD
LG