Достапни линкови

Хрватска отвора постапка против премиерот и неколку министри за судир на интереси


Хрватскиот премиер, Андреј Пленковиќ

Комисијата за судир на интереси во Хрватска денеска донесе одлука за покренување постапка против премиерот Андреј Пленковиќ, вицепремиерот и министер за внатрешни работи Давор Божиновиќ, поранешниот министер за земјоделство Томислав Толушиќ, поранешниот министер за демографија Нада Мурганиќ и поранешниот министер за администрација Ловре Кушчевиќ заради патувања на претставници на ХДЗ со владин авион во Хелсинки, пренесе МИА, повикувајќи се на ТВ Н1.

Тие патувале со авион на конгресот на Европската народна партија во ноември минатата година. Комисијата одлучи да почне постапка затоа што тие не доставиле документација за патувањето во Хелсинки и тоа врз основа на член 5 што се однесува на кршење на принципот на извршување функција., јави телевизијата Н1.

XS
SM
MD
LG