Достапни линкови

Могерини: Цел Балкан во ЕУ или ќе зажалиме


Шефицата на европската дипломатија во заминување, Федерика Могерини

Унијата да го задржи силното присуство на Западен Балкан за остварување на јасниот интерес - воведување на целиот Балкан во ЕУ, повика денес шефицата на европската дипломатија во заминување Федерика Могерини.

„Убедена сум, доколку тоа не го сториме, дека ќе зажалиме веќе за неколку години“, порача Могерини, во своето обраќање на годишната конференција на амбасадорите на земјите членки на ЕУ, во Брисел.

Таа оцени дека влезот на Западен Балкан во ЕУ е прашање на повторното обединување на целиот европски континент и дека тоа му е потребно како на Балканот, така и на ЕУ.

„Имаме јасен интерес да го воведеме целиот Балкан во ЕУ. Сите знаеме дека е тоа долг, комплициран, секогаш интересен и разигран процес што ќе бара доста време, решавање на проблеми и многу политичка преданост од сите страни и одлучност“, наведе Могерини, наведувајќи го примерот со прашањето на името на Северна Македонија и оценувајќи дека тоа се постигнало со залагањето на Атина и Скопје и со константна поддршка и охрабрување од ЕУ.

XS
SM
MD
LG