Достапни линкови

Грузискиот премиер Бахтаѕе поднесе оставка


Грузискиот премиер Мамука Бахтаѕе поднесе оставка, истакнувајќи во објава на неговата страница на Фејсбук, дека ја исполнил својата мисија, објавија новинските агенции.

„Создадена е рамката за развој и затоа одлучив да поднесам оставка, бидејќи верувам дека досега ја исполнив својата мисија“, напиша тој на Фејсбук профилот.

Бахтаѕе им заблагодари на сите министри и на основачот на владејачката партија Грузиски сон, Биѕина Иванишвили за поддршката и соработката, нагласувајќи дека останува нејзин член. Бахтаѕе ја предводи Владата на Грузија од јуни 2018 година, а претходно беше министер за финансии.

Според законот, по оставката на премиерот, целиот кабинет поднесува оставка. Министрите ќе продолжат да ги извршуваат своите обврски додека не се формира нова влада.

XS
SM
MD
LG