Достапни линкови

Лукашенко сака обновување на односите со САД


Лукашенко и Болтон во Минск

На средбата со советникот за национална безбедност на Белата куќа, Џон Болтон, белорускиот претседател Александар Лукашенко изјавил дека сака повторно да ги активира односите меѓу САД и Белорусија, објавија светските новински агенции.

Болтон е највисок американски претставник кој по повеќе години е во посета на Белорусија, при што покрај средбата со Лукашенко предвиден е и состанок шефот на белоруската дипломатија Владимир Макеј. Американскиот советник пред посетата на Минск изјави дека е „важно да се посети Белорусија и да се разговара за нејзиниот суверенитет и територијален интегритет”.

Болтон вчера имаше средба со претседателот на Украина, Володимир Зеленски, во Киев, каде американскиот советник инсистираше на територијалниот интегритет на Украина во рамките на вооружениот судир помеѓу украинските сили и проруските сепаратисти во источниот дел на земјата, објавија новинските агенции.

XS
SM
MD
LG