Достапни линкови

Во јули рекорден број нелегални пристигнувања на грчките острови


Архивска фотографија: Мигранти од Авганистан на грчкиот остров Лезбос

Речиси 6.000 лица минатиот месец биле уапсени во Грција за нелегален влез или излез од земјата, според податоците од грчката крајбрежна служба.

Во 208 случаи, само во месец јули, крајбрежната служба уапсила 5608 лица за нелегален влез во земјата, додека пак во 77 случаи биле уапсени 358 лица за нелегален излез од Грција, јави дописничката на МИА од Атина.

Паралелно, крајбрежната служба уапсила вкупно 32 криумчари на мигранти, од кои 19 за нелегален влез во земјата, биле конфискувани 50 бродови и откриени 109 фалсификувани документи за нелегално заминување од земјата.

Минатиот месец регистриран е рекорден број на нелегални влегувања во Грција преку морската граница. Во јуни биле уапсени 3855, во мај 2867, во април 2050, а во првото тромесечје од годинава, вкупно 5717 лица.

XS
SM
MD
LG