Достапни линкови

Анѓушев потврди - Доставено писмо за учество во проектот Белене


Вицепремиерот Кочо Анѓушев

Македонија изрази интерес за учество во проектот Белене, бидејќи има недостиг од базна енергија, а со тек на времето со искористувањето на јагленот, тоа дополнително ќе се пројавува како проблем, изјави вицепремиерот Кочо Анѓушев, во врска со објавата дека ЕСМ е меѓу компаниите кои пројавиле интерес за учество во проектот Белене.

„Во моментов рано е да се зборува за проценти, мислам дека во наредниот период подетално ќе ве информираме за ова на посебна прес-конференција. Сега станува збор само за изразување на подготвеност за соработка“, додаде Анѓушев.

Владата доставила писмо за намери за учество во проектот Белене преку ЕСМ, а Анѓушев изминатиот период нагласуваше дека најбрзиот, наједноставниот и најевтиниот начин да обезбеди базна енергија на подолг рок е преку нуклеарната централа Белене во Бугарија и вклучување во нејзината изградба.

XS
SM
MD
LG