Достапни линкови

Коѕијас пишува книга за Преспанскиот договор


Потпишувањето на Договорот од Преспа во Нивици

Никос Коѕијас, поранешниот шеф на грчката дипломатија, во неговата викендичка на грчкиот остров Алонисос, пишува книга посветена на Договорот од Преспа, објавија грчките медиуми. Според нив, како што jави дописничката на МИА од Атина, Коѕијас од почетокот на летото е на Алонисос, а ќе остане таму до септември, каде што изолиран од сите, работи на неговата нова книга, која би требало да биде готова до крајот на годинава.

Информативниот портал „Њузбист“ коментира дека во СИРИЗА постои страв дека книгата може да открие каква улога одиграле одредени личности, но и дека може да изнесе на виделина настани што можеби „би ја ставиле во опасност националната безбедност“ и додава дека останува енигма дали ќе биде објавен и дописот со оставката на Коѕијас до тогашниот премиер Алексис Ципрас.

Според порталот, веројатно е книгата прво да биде објавена на англиски, а потоа на грчки јазик.

XS
SM
MD
LG