Достапни линкови

Трамп: Ако Европа не прими борци од ИД, ние ќе ѝ ги пратиме


Доналд Трамп

Американскиот претседател Доналд Трамп се закани дека ќе прати во Европа илјадници терористи од Исламска држава заробени во Сирија, ако европските држави не прифатат да доброволно да ги примат, објавија американските медиуми и новинските агенции.

„Сакаме илјадници борци на ИД да ги прими Европа. Ајде да видиме дали ќе ги прими? Ако не сака, ние ќе мораме да ги пратиме во Европа“, рече Трамп.

Како што јави „Индепендент“, Трамп рече дека ќе ги прати терористите со европско потекло доколку европските земји не сакаат да ги прифатат своите граѓани кои во Сирија ѝ се придружија на терористичката ИД. Околу 800 борци на Исламската држава со потекло од Европа се заробени на северот на Сирија заедно со сопругите и децата.

Администрацијата на Трамп бараше од владите на европските земји да ги прифатат своите сограѓани кои се сомничат дека ѝ се придружиле на ИД, но повеќето земји одбија тоа да го направат од страв дека повратниците од Сирија се безбедносен ризик, објави Си-Ен-Ен.

XS
SM
MD
LG