Достапни линкови

Делегација на Собранието во посета на САД


Претседателот на Собранието Талат Џафери

На покана на Демократското партнерство на Претставничкиот дом на САД, претседателот на Собранието на Република Северна Македонија, Талат Џафери денеска и утре ќе престојува во работна посета на Вашингтон. Во парламентарната делегација се и потпретседателката на Собранието Фросина Ташевска-Ременски и координаторот на пратеничката група на ВМРО-ДПМНЕ, Никола Мицевски.

Како што соопшти собраниската прес-служба, дводневниот Парламентарен форум за лидерство е фокусиран врз демократското обновување за борба против заедничките закани за демократијата. Исто така, во рамките на форумот, Џафери и пратениците ќе имаат и билатерални средби со колегите од Конгресот и Владата на САД.

Програмата е организирана од Националниот демократски институт, со поддршка од Агенцијата за меѓународен развој на САД (УСАИД) и во партнерство со Меѓународниот републикански институт.

На оваа програма од високо ниво, покрај Собранието на Република Северна Македонија, поканети се да учествуваат и дваесет партнерски парламенти на Претставничкиот дом.

XS
SM
MD
LG