Достапни линкови

Ердоган: задушување на интеграцијата на Балканот во ЕУ


Турскиот претседател Реџеп Таип Ердоган, говорејќи на економски самит на земјите од Југоисточна Европа во Јахорина, Босна и Херцеговина, изјави дека одлуките на Европската унија во врска со членството на Северна Македонија и Албанија во Унијата ќе влијаат врз иднината на регионот.

Наведувајќи дека Турција отсекогаш ја поддржувала и оти ќе продолжи да ја поддржува интеграцијата на Балканот во евроатлантските организации претседателот Ердоган ги спомна и последните потези на Европската унија во врска со датумот за преговори со Северна Македонија и Албанија.

Ердоган: одлуките на ЕУ за Скопје и Тирана, клучни за целиот регион
please wait

No media source currently available

0:00 0:02:08 0:00

„Неодамна видовме дека некои кратковидни популистички кругови ја блокираа политиката на проширување на ЕУ. Негативните трендови кон ширењето и ширењето на дискриминацијата низ целиот континент го загрозуваат не само внатрешниот мир во Европа, туку и нејзината иднина и надежта во регионот“.

Претседателот Ердоган притоа потенцира дека е од големо значење за регионот ќе има тоа какви одлуки ќе донесе Брисел конкретно за Северна Македонија и Албанија:

„Одлуките што ќе ги донесе Европската унија во врска со разговорите за пристап со Северна Македонија и Албанија ќе влијаат врз иднината на целиот регион. Унијата, спроведувајќи ги овие процеси на начин кој е во спротивност на нејзините заложби ќе им наштети на мирот и безбедноста во регионот и на сопствениот кредибилитет“.

Ердоганнаведувајќи дека неговата земја направила „непроценлив“ придонес за безбедноста на Европа, оцени дека Европската унија недоволно помогнала во преземањето на мигрантскиот товар.

Тој потенцира дека Турција е домаќин на на д 3 ипол милиони сириски бегалци и оти мерките преземени од Анкара го намалија протокот на миграција низ Егејското Море во Европа за 99 насто.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG